ශ්රීමතී විජේරත්න –
මහව විජයබා මධ්ය මහා විද්යාලයේ සිතිජ දුලාන් බණ්ඩාර ශිෂ්යයා පසුගිය අධ්යාපන පොදු සහතික පත්ර උසස් පෙළ විභාගයේ තාක්ෂණවේදය විෂය ධාරාවෙන් කුරුණෑගල දිස්ත්රික්කයේ පළමු ස්ථානයත් දිවයිනේ දෙවන ස්ථානයත් හිමි කර ගැනීමට සමත්ව ඇත.
මහව, යද්දිගම පදිංචි සිතිජගේ පියා දක්ෂ වඩු කාර්මිකයෙකු වන වයි.එම්. සමන්ත බණ්ඩාර වන අතර මව සී.ඩී.එම්.පී. දිසානායක වේ. සිතිජ පවුලේ වැඩිමලා වන අතර ඔහුට එක් නැගණියක් සිටී.
පළමු ශ්රේණියේ සිට උසස් පෙළ දක්වාම මහව විජයබා මධ්ය මහා විද්යාලයෙන් අධ්යාපනය ලැබූ ඔහු, සාමාන්ය පෙළ විභාගය විශිෂ්ට ලෙස සමත්ව එම විද්යාලයේම තාක්ෂණවේදය විෂය ධාරාව හැදෑරීය. එහිදී (A) සාමාර්ථ තුනක් ලබාගත් සිතිජ ලබා ඇති ඉසඩ් ලකුණු (Z-Score) ප්රමාණය 3.3552 කි. පාසල් අධ්යාපනයට බෙහෙවින් උනන්දු වූ ඔහුගේ පාසල් පැමිණීමේ ප්රතිශතය 93%ක් වැනි ඉහළ අගයක් ගැනීම විශේෂත්වයකි.
විශ්වවිද්යාල අධ්යාපනය සාර්ථකව නිම කර රටට සහ දැයට වැඩදායක වටිනා පුරවැසියෙකු වීම තම අනාගත අපේක්ෂාව බව සිතිජ පවසයි.
