දිනසේන රතුගමගේ –
2025 වසරේ අපොස උසස් පෙළ ප්රතිඵලවලට අනුව භෞතික විද්යා විෂය ධාරාවෙන් දිවයිනේ ප්රථම ස්ථානය දිනා ගැනීමට කිළිනොච්චිය මහා විද්යාලයේ දේවේන්ද්රන් තිරුකුමරන් ශිෂ්යයා සමත්ව තිබේ.
මෙම සුවිශේෂී ජයග්රහණය වාර්තා කළ සිසුවා හමුවීම සඳහා උතුරු පළාත් ආණ්ඩුකාර නාගලිංගම් වේදනායගම්, කිළිනොච්චිය දිසාපති එස්. මුරලීදරන් සහ දිස්ත්රික් පාර්ලිමේන්තු මන්ත්රී එස්. ශ්රීධරන් යන අය කිළිනොච්චිය මහා විද්යාලයට පැමිණියහ. එහිදී ඔවුහු සිසුවාට සිය ආශිර්වාදය පිරිනමමින් සතුට ප්රකාශ කර සිටියහ.
කිළිනොච්චිය මහා විද්යාලයේ විදුහල්පතිනි අයි. නිමල් රාජ් සඳහන් කළේ, දේවේන්ද්රන් තිරුකුමරන් සිසුවා විද්යාලයේ අධ්යයන කටයුතුවලදී පමණක් නොව ක්රීඩා හා වෙනත් විෂය සමගාමී ක්රියාකාරකම්වලදී ද ඉහළ දස්කම් පෙන්වූ දක්ෂයෙකු බවයි.
තම ජයග්රහණය පිළිබඳ අදහස් දැක්වූ දේවේන්ද්රන් තිරුකුමරන් ප්රකාශ කළේ තමන් උසස් පෙළ විභාගයෙන් ඉහළින් සමත්ව විශ්වවිද්යාල ප්රවේශය ලබන බවට විශ්වාසයක් තිබුණ ද, භෞතික විද්යා විෂය ධාරාවෙන් දිවයිනේ ප්රථම ස්ථානයට පැමිණීමට හැකිවෙතැයි බලාපොරොත්තු නොවූ බවයි.
කිළිනොච්චිය වැනි අති දුෂ්කර ප්රදේශයක සිට මෙවැනි ජයග්රහණයක් අත්කර ගැනීමට ලැබීම පිළිබඳව තමන් බෙහෙවින් සතුටු වන බවත්, ඒ සඳහා දිරිය දුන් දෙමව්පියන්, ගුරුවරුන් ඇතුළු සියලු දෙනාටම තමන් ස්තූතිවන්ත වන බවත් ඔහු වැඩිදුරටත් පැවසීය.
සම බරව ඇත්ත කියන ලංකාසර පුවත් ඔබට සෑම විටෙක දැකීමට ඕනෑ නම් පහත අපේ වට්ස්ඇප් / ටෙලිග්රෑම් සමූහයන්ට එක්වෙන්න.
