ඇමැති ආරක්ෂක කොට්ඨාසයට අනුයුක්තව සේවය කරමින් සිටිය දී ශ්‍රී ලංකා ඇෆ්ගනිස්ථාන එක්දින තරගාවලියේ ක්‍රීඩකයින්ගේ ආරක්ෂාවට යොදවා සිටි, මත්කුඩුවලට ඇබ්බැහි වූ පොලිස් කොස්තාපල්වරයෙකු හෙරෝයින් මත්කුඩු මිලි ග්රෑම් 80 ක් සමඟ මහනුවර මධ්‍යම වෙළෙඳ පොළ අසළදී පොලිස් අඩංගුවට පත් වී තිබේ.
මහනුවර පොලීසියේ නිලධාරීන් විසින් ඊයේ (30) දහවල් මොහු අත්අඩංගුවට ගෙන ඇත්තේ මත්කුඩු පාවිච්චි කරමින් සිටියදීය.
ඔහු මහනුවර පල්ලේකැලේ ක්‍රීඩාංගණයේ දී පැත්වෙන ශ්‍රී ලංකාව සහ ඇෆ්ගනිස්ථානය අතර සීමිත ඕවර ක්‍රිකට් තරඟාවලියට අදාළව ක්‍රීඩකයින්ගේ ආරක්ෂාව සඳහා යොදවා සිටි අයෙකි.
රුවන්වැල්ල ප්‍රදේශයේ පදිංචි 24 හැවිරිදි සැකකරු පසුගිය වසරේ ජුලි මස 15 දින පොලිස් සේවයට බැඳී ඇත.
පුහුණුව නිම කිරීමෙන් අනතුරුව 2022 මැයි මස 21 දින ඇමැති ආරක්ෂක කොට්ඨාසයට අනුයුක්තව රාජකාරී ආරම්භ කර තිබේ.
ශ්‍රී ලංකා ඇෆ්ගනිස්ථාන ක්‍රිකට් තරඟාවලියේ ආරක්ෂක කටයුතු සඳහා මොහු පසුගිය 21 දින විශේෂ රාජකාරී යටතේ මහනුවරට පැමිණ ඇත.
ක්‍රීඩකයින් නවාතැන් ගෙන සිටින අර්ල්ස් රිජින්සි හෝටලයේ නාන කාමරයක් තුළදී මත්කුඩු පානය කළ බව සැකකරු පොලීසියට පවසා තිබේ.
සම බරව ඇත්ත කියන ලංකාසර පුවත් ඔබට සෑම විටෙක දැකීමට ඕනෑ නම් පහත අපේ වට්ස්ඇප් / ටෙලිග්‍රෑම් සමූහයන්ට එක්වෙන්න.
සිද්ධිය සම්බන්ධයෙන් මහනුවර පොලීසිය පරීක්ෂණ පවත්වයි.