ලලිත් චාමින්ද –
- රුපියල් කෝටියක හඳුනා නොගත් වියදමක්…
- ඇමති කැමති කොන්ත්‍රාත් කරුට කොන්ත්‍රාත්තුව ලබා දෙන්න ලියුම් ලියලා
- කිසිම ඇගයුම් වාර්තාවක් නැතිව කොන්ත්‍රාත්කරුවත් තෝරා නොගෙන දෙකෝටි දස ලක්ෂයක් වියදම් කර සමාරම්භක උත්සව තියලා..
කුඹුක්කන් ඔය ජලාශ ව්‍යාපෘතියේ මුලික කටයුතු පවා සිදුනොකර 2019 නොවැම්බර් මස 30 වැනිදින වනවිට රුපියල් මිලියන 108ක වියදමක් පලදායි නොවන හා අවිධිමත් අයුරින් වියදම් කොට ඇති බැව් ජාතික විගණන කාර්යාලය මගින් කරණු ලැබු විගණනයක දී අනාවරණය වි ඇත.
ව්‍යාපෘතිය ක්‍රියාත්මක කිරීමට අදාල කොන්ත්‍රාත්කරු තොරා ගැනීමටත් ප්‍රථම 2017 වර්ෂයේ ජනවාරි 27 වැනිදින මෙහි සමාරම්භක උත්සවය පවත්වා තිබු අතර ඒ සඳහා රුපියල් දෙකෝටි දස ලක්ෂ හතලිස් දහස් හයසි නවයක් (21,040,609) මුදලක් වැයකොට ඇති බවද මෙම ව්‍යාපෘතිය සම්බන්ධයෙන් කරනු ලැබු විගණනයේ දී අනාවරණය වීඇත. සමාරම්භක උත්සවයට කළුගලින් ඉදිකරණු ලැබු සමරුඵලක සකස් කිරිම සදහා එකොළොස් ලක්ෂ විසි දහස් දෙසීය පහළොවක් (11,20, 215) ගෙවා තිබු අතර එම ව්‍යාපෘතියට අදාල නොවන කොලැල්ලාවත්ත ජලාශ ව්‍යාපෘතියේ ආරමභක උත්සවය වෙනුවෙන් කළුගලින් නෙලන ලද සමරුඵලක දෙකක්ද සකස්කොට තිබුණි.
ව්‍යාපෘතිය ආරම්භ කිරීමට අදාල මුලික වාර්තා සඳහා අනුමැතිය ලබාගැනීමටත් පෙර පරිසර වාර්තා සමාජ බලපෑම් ඇගයිම් වාර්තා ශඛ්‍යතා ඇගයිම් වාර්තා ඇගයීමටත් ප්‍රථම ව්‍යාපෘතියේ සමාරම්භක උත්සවය සඳහා මෙම මුදල් වැය කොට ඇති බවද විගණන වාර්තාවේ සඳහන් වේ. සමාරම්භක උත්සවයේ වියදම් සඳහා ඇස්තමේන්තු සකස්කර අනුමතකර ගැනීමකින් තොරව මෙම මුදල වියද ම්කොට ඇති බවද විගණනය මගින් අනාවරණය කරගෙන ඇත.
මෙම ව්‍යාපෘතියට සමගාමීව රුපියල් මිලියන 86.09ක මුදලක් වියදම්කොට වැව් දෙකක් ප්‍රතිසංස්කරණ කටයුතු කර ඇති අතර එය නිසි ප්‍රමිතියෙන් තොරව ප්‍රතිසංස්කරණය කොට ඇති බවද විගනණ වාර්තාවේ දැක්වේ.
කුඹුක්කන් ඔය ව්‍යාපෘතියට අදාල නොවන කාර්යන් වු කොලැල්ලාවත්ත ව්‍යාපෘතියේ ආරම්භක උත්සවය සදහා රුපියල් 11, 21, 290ක් මුදලක් වියදම් කර තිබිණි.
2017 වර්ෂයේ දි කුඹුක්කන් ඕය ජලාශ ව්‍යාපෘතියේ මුලික වැඩ ආරම්භකොට නොතිබියදි ව්‍යාපෘතියට අදාල නිවාස හා වාහන කුලී ලෙස රුපියල් 12, 73 335 ක වියදමක් දරා තිබුණි බවද විගණන වාර්තාවේ සදහන් වේ. වර්ෂ 2016 විසර්ජන ගිණුම අනුව කුඹුක්කන් ඕය ජලාශ ව්‍යාපෘතිය සඳහා රුපියල් .1, 02, 53 131 හඳුනා නොගත් විදමක් දරා තිබුණු බවද විගණනයේ දි අනාවරණය වි ඇත.
ව්‍යාපෘතිය සඳහා විදේශ සමාගම් 04කින් ලැබි තිබු අභිලාශ ඉදිරිපත් කිරීමේ යෝජනාව නොසලකා හැර China National Heavy Machinery Co operation (CNHMC) යන සමාගමට 2018 මාර්තු 30 වැනි දින මෙම සමාගම වෙත සුවිච් චැලෙන්ජ ක්‍රමයට කුඹුක්කන් ඕය ජලාශ ව්‍යාපෘතිය හා හැඩඔය ජලාශ ව්‍යාපෘතිය සඳහා ශක්‍යතා අධ්‍යයන සිදුකිරීමට අවබෝධතා ගිවසුමකට එළඹ තිබේ.
විශේෂ කමිටුවක් මගින් මෙකි ව්‍යාපෘති යෝජනාව අනුමත කර තරගකාරි යෝජනා කැඳවීමට අදාලව අමාත්‍යංශයට උපදෙස් දීමත් එම ලංසු ඇගයිම් සිදුකොට මුල් යෝජනාව හා සසඳා සුදුසු යෝජනා පිළිගැනීම කළ යුතුය. එහෙත් විධිමත් ආකාරයට අදාල කොන්ත්‍රාත්කරු තෝරාගත් බවට කරුණු විගණනයට අනාවරණය නොවන බවද විගණන වාර්තාවේ දැක්වේ.
කුඹුක්කන් ඔය හා හැඩඔය ව්‍යාපෘතීන් ක්‍රියාත්ම කිරිමට අභිලාශ ඉදිරිපත් කිරිමේ යෝජනා අයතන 04කින් EOI වාර්තා ලබා දි තිබියදිත් CNHMC ආයතනයේ ඉල්ලිම පරිදි අමාත්‍ය මණ්ඩල සංදේශයක් සකස් කිරී මට එවකට සිටි විෂයභාර ඇමතිවරයා දැනුම් දි තිබු බවට සටහනක් ලිපිගොනුවේ තිබී නිරික්ෂණය වු බවද විගණන වාර්තාවේ දැක්වේ.
ඒ අනුව මෙම ව්‍යාපෘතිය සඳහා අදාල කොන්ත්‍රාත්කරු තෝරාගැනීමේ විනිවිදභාවයක් හා පවතින විධිමත් ක්‍රමවේදයන් භාවිතාකොට නොමැති බවද විගණන වාර්තාවේ දැක්වේ.
කුඹුක්කන් ඔය ජලාශය ඉදිකිරීම සඳහා කුඹුක්කන් ඔය වෙල්ලට ඉහලින් බුත්තල මොණරාගල ඒ 04 මාර්ගය හා කුඹුක්කන් ඔය හමුවන ස්ථානයේ ජලය ඝණමිටිර් මිලියන 48ක ධාරිතාවයකින් හා අක්කර 910 ප්‍රමාණයකින් යුත් ජලාශයක් ඉදිකිරිම හැඩඔය හරස්කොට ජලය ඝණ මිටර් මිලියන 147ක ධාරිතාවයක ජලාශයක් ඉදිකිරීමට යෝජනා කරතිබුනි. මෙම ව්‍යාපෘතියේ සමස්ත වියදම රුපියල් මිලියන 32397කි. ( කෝටි තුන්දාස් දෙසීය තිස් නවයකුත් ලක්ෂ හැත්තෑවකි.)
.
සම බරව ඇත්ත කියන ලංකාසර පුවත් ඔබට සෑම විටෙක දැකීමට ඕනෑ නම් පහත අපේ වට්ස්ඇප් / ටෙලිග්‍රෑම් සමූහයන්ට එක්වෙන්න.
.