කලාවැව ජාතික වනෝද්යානය මහා පෞරුෂයකින් පිරවූ බරණ හස්ති රාජයා මරා දැමූ බව අපි වේදනාවෙන් ලියා තිබුවෙමු. මේ අසිරිමත් ඇත් රජු ජීවත්ව සිටි කාලයේ වන දහන සැරසූ අයුරුය.
මේ මොහොතේ අතිශයින්ම සංවේදී සිදුවීමක් දුටුවන්ගේ නෙතග කඳුළින් තෙත් කළේය. බරණගේ අවසන් කටයුතු සිදුකරන මොහොතේ එම කටයුතු සිදුකරන ස්ථානය හොඳින් පෙනෙන ස්වර්ණහංස වැව ඉස්මත්තට තවත් අලියෙක් පැමිණ සිටියේය.
බෙහෙවින්ම ශොකී රිද්මයකින් එම හස්තියා බරණගේ අවසන් කටයුතු සිදුවන තුරුම නොසෙල්වී එහි රැඳි සිටියේය. මිහිදන් කටයුතු නිමා වූ විට බිමට යොමා ගත් හිසින් යුතුව නිසොල්මනේ ඒ හස්තියා පිටවී ගියේය.
“ අලි ඇත්තුන්ගේ ලෝකය අපට වඩා ආදරය පිරුණු තැනක්… ඒ ඇවිත් හිටියෙ බරණ පුංචි සන්දියෙ ඉඳන් එයා එක්ක හැදුනු එයාගෙ යාලුවා… එයා ඇවිත් අවසන් ගෞරව දක්වලා ගියා.“
වනජීවී නිලධාරියෙක් කීවේය.