කීර්ති ප්‍රනාන්දු –
රුසියානු රජයේ දැනුම් දීමත් සමග ලංකාවේ සිටින අවසාන රුසියානු සංචාරයාකත් නික්ම යෑමට නියමිතව ඇත. අද දහවල් 12.50ට ලංකාවෙන් තවත් පිරිසක් පිටවී ගියහ.
ශ්‍රී ලංකාව තුළ සිටින සියලුම රුසියානු සංචාරකයන්ට , සිය සංචාරයන් අත්හිටුවා ආපසු පැමිණෙන ලෙස රුසියානු රජය විසින් දැනුම් දීමත් සමගම තම සංචාරයය අත්හිටවූ සංචාරකයින් කඳුළු සළමින් රුසියානු අවසන් එරොෆ්ලොට් ගුවන් යානයෙන් ශ්‍රී ලංකාවෙන් පිටත්ව යාම සදහා කටුනායක ගුවන් තොටුපළ වෙත පැමිණ සිටියහ.
“අපි හිටියේ හික්කඩුවේ… ලංකාවට ආවෙ දින 14 ක සංචාරයකට… හදිසියෙම අපට රුසියානු රජය දැනුම් දුන්නා සංචාරය අත්හිටුවා ආපසු රටට එන්න කියලා. රුසියානු එරොෆ්ලොට් අවසාන ගුවන් යානයෙන් රුසියාව බලා ගමන් කීරීමට අපි කටුනායක ගුවන් තොටුපළට පැමිණි රුසියානු ජාතික එලේනා මෙසෙන්කෝවා අද (05) ගුවන් තොටුපළ පිටත්වීමේ පර්යන්තයේ දී අපට කීවාය.
ඒ වනවිට වෙලාව උදෑසන 10 ය.
“ රුසියානු රජය අපට කිව්වෙ ශ්‍රී ලංකාවේ සංචාරය සඳහා සුදුසු රටක් බවයි. රජයයි අපව මේ සංචාරයට යොමු කළේ. මේ රටේ සංචාරය කරන්න අපිට ඩීසල් තිබුණෙ නැහැ . ඒ මදිවට විදුලි කප්පාදුව . මේ සියලු ගැටළු මධ්‍යයේ වුවත් අපි බොහොම කැමැත්තෙන් ශ්‍රී ලංකාවේ සංචාරයකට ආවේ. ඒත් එහෙත් හදිසියේම ඇති වූ මේ තත්වය ගැන අපටත් හිතා ගන්න බෑ. අපිත් ඉන්නේ කම්පනයෙන්…“.
රුසියානු ජනාධිපතිවරයා මෙම සිදු වීම පිළිබඳව දැඩි තීරණයක් ගනු ඇතැයි එලේනා මෙසෙන්කෝවා ඇය අපට වැඩිදුරටත් කීවාය. ශ්‍රී ලංකාවේ සිදු කෙරෙන සංචාරයන් වහාම අත්හිටුවා ආපසු පැමිණෙන ලෙස රුසියානු රජය තමන් ඇතුළු සංචාරක රුසියානුවන්ට දැන්වූ බව ඇය පැහැදිලි කළාය.
රුසියානු බසින් ඉදිරිපත් වූ මෙම මෙම අදහස් සිංහල භාෂාවට පරිවර්තනය කර දීම සදහා ඉදිරිපත් වූයේය ඇය ඇතුළු කණ්ඩායමේ සංචාරක මග පෙන්වන්නා වන මුදිත මෙවන් කුමාරය.
ඉකුත් 06/02 දින දහවල් රුසියාවේ මොස්කව් නුවර බලා පිටත්ව යාමට තිබූ එස්.යූ.- 288 ගුවන් යානයේ මගීහුත් ඒ වනවිට ශ්‍රී ලංකාවේ සංචාරය කරමින් සිටි රුසියානු සංචාරක පිරිසකුත් සහිත රුසියානුවන් 289ක් ඊයේ (04) දහවල් 12.50 ට රුසියානු ගුවන් සේවයේ එස්.යූ.- 289 දරන විශේෂ ගුවන් යානයෙන් මොස්කව් නුවර බලා පිටත්ව ගියහ.
අද (05) දින දහවල් 12.50 ට රුසියාවේ මොස්කව් නුවර වෙත පිටත්ව යාම සදහා කටුනායක ගුවන් තොටුපළ වෙත පැමිණ තිබූ රුසියානු ගුවන් සේවයේ අවසාන ගුවන් යානය වන එස්.යූ. 289 දරන ගුවන් යානයෙන් පිටත්වීම සදහා රටේ සිටි රුසියානු සංචාරකයින් 300 ක පමණ පිරිසක් මේ වනවිට කටුනායක ගුවන් තොටුපලෙහි සිටින්නෝය.
රුසියානු රජය සහ ශ්‍රී ලංකාවේ බලධාරීන් අතර ලිඛිත එකගතාවයක් පවතිත්දීත් , එය නොසළකා හරිමින් බටහිර රාජ්‍යයක කුඩා රක්ෂණ සමාගමක පැමිණිල්ලක් මත මේ ආකාරයට දහස් ගණන් රුසියානු සංචාරකයන් අසරණ කිරීම පුදුම සහගත බව රුසියානු සංචාරකයෝ අපට කීහ.
අනාගතයේ ශ්‍රී ලංකාවේ සංචාරක කර්මාන්තය අභියෝගට ලක් කරමින් ශ්‍රී ලංකාවට විදේශ විනිමය ලැබෙන ප්‍රධානතම මාර්ගයක් අත්හිටුවා ගැනීම සම්බන්ධව ඔවුන් පුදුම වන බව ද පැවසූහ.
කටුනායක ගුවන් තොටුපළ වෙත පැමිණි බොහෝ රුසියානු සංචාරකයන් ද ඉතා ශෝකාකූල මුහුණින් යුතුව සිය අවසන් ගුවන් යානය සඳහා කටුනායක ගුවන් තොටුපළ පිටත්වීමේ පර්යන්තය වෙත ඇතුළු වන ආකාරය දැක ගැනීමට තිබුණි .
සම බරව ඇත්ත කියන ලංකාසර පුවත් ඔබට සෑම විටෙක දැකීමට ඕනෑ නම් පහත අපේ වට්ස්ඇප් / ටෙලිග්‍රෑම් සමූහයන්ට එක්වෙන්න.
මෙම ගුවන් මගීන් පිරිස රැගෙන යාම සඳ හා රුසියාවේ එරොෆ්ලොට් අවසාන ගුවන් යානය අද (05) දින උදෑසන 10.09 වනවිට කටුනායක ගුවන් තොටුපළ වෙත පැමිණ තිබුණි . එය තව ටිකකින් එනම් දහවල් 12.50ට මොස්කව් බලා පිටත් වනු ඇත.