එල්ටීටීඊ ත්‍රස්ත සංවිධානය විසින් බෝම්බ පරීක්ෂා කිරීම සදහා සුනඛයන්, එළුවන් වැනි සතුන් භාවිත කිරීම මගින් එම සංවිධානයේ ම්ලේච්ඡත්වයට සීමා මායිම් නොමැති බවට තහවුරු වන බව ලේඛිකා ෂෙනාලි ඩී. වඩුගේ මහත්මිය පවසයි.
ඇය පෙන්වාදෙන්නේ එක්සත් ජාතීන්ගේ සංවිධානය, මානව හිමිකම් කවුන්සිලය ආදී ස්ථාන වේදිකාවක් කරගනිමින් යුද්ධය අවසන් කළ ශ්‍රී ලංකාව ඉලක්ක කරගැනීමට සිටින රටවල් දැන් ලැජ්ජා විය යුතු බවය.
වෙනත් කිසිදු ත්‍රස්ත සංවිධානයක් මෙලෙස අහිංසක සතුන් බෝම්බ අත්හදාබැලීමට ගැනීම අනුගමනය නොකිරීමට නම් දැන්වත් නිසි පියවර ගන්නා ලෙස ඇය ලෝකයට හඩගා කියයි.
“අප සිතුවේ එල්ටීටීඊය පිළිබඳ නරකම දේ අප දන්නවා යැයි කියාය. LTTE යේ ම්ලේච්ඡත්වයට තවත් බොහෝ දේ ඇති බව පෙනේ. එෆ්බීඅයි විසින් එල්ටීටීඊය ගැන විස්තර කර තිබුණේ ලොව ‘දරුණුතම සහ මාරාන්තික අන්තවාදීන් ’ ලෙසයි. ඉතාම අහිංසක, හඩගා යමක් කිව නොහැකි සතුන් ඔවුන්ගේ ම්ලේච්ඡත්වය අත්හදාබලන්නන් ලෙස භාවිතා කිරීමේ මට්ටමට එල්ටීටීඊය පත්වූ බව අපි කිසි විටෙකත් නොසිතුවෙමු. සුරතල් සතුන් සහ එළුවන් දහස් ගණනක් තමන්ගේ ඉලක්ක පුහුණුවීම් සහ බිම් බෝම්බ පරීක්ෂා කිරීම සඳහා යොදාගෙන ඇති බැවින් LTTE හි කෲරත්වයට සීමාවක් නොමැති බව පෙනේ. අහිංසක සතුන් සම්බන්ධයෙන් මෙම නින්දිත ක්‍රියාව සිදු වී ඇත්තේ 2008 සැප්තැම්බර් තරම් මෑත කාලයකදී ය.
එල්ටීටීඊ විසින් සතුන් සම්බන්ධයෙන් කරනු ලබන මෙම ම්ලේච්ඡත්වයේ සජීවී දර්ශන දැක්වෙන වීඩියෝ පටය ලොවට දැන් නිකුත් කර ඇත. ත්‍රස්තවාදය අවසන් කළ ශ්‍රී ලංකාව ඉලක්ක කරගන්නට එක්සත් ජාතීන්ගේ සංවිධානය, මානව හිමිකම් කවුන්සිලය වේදිකාවක් කරගත් රටවල් ලැජ්ජා විය යුතුය. එල්ටීටීඊය පරාජය වීම ගැන මෙම එල්ටීටීඊ ආධාරකරුවන් කෝපයට පත් වුවද, 2009 මැයි මාසයේ සිට අපි සතුටු වෙමු. එදා මේ දක්වා කිසිදු දරුවෙකු පැහැරගෙන ගොස් ළමා සොල්දාදුවන් බවට පත් වූයේ නැත. එල්ටීටීඊ ඉලක්කගත පුහුණුවීම්වලින් සුරතල් බල්ලෙකු හෝ එළුවෙකු මිය ගොස් නැත.
සමහර විට ෆ්‍රැන්සිස් හැරිසන් ඉදිරියට පැමිණ එල්ටීටීඊ විසින් මියගිය බල්ලන් සහ එළුවන් ගණන් කිරීමට කැමති විය හැකිය. නැතහොත් යස්මින් සූකා ඇගේ එක් වාර්තාවකට සත්ව හිංසනය එක් කිරීමට කැමති විය හැකිය! එල්ටීටීඊය විසින් බල්ලන් හා එළුවන් කීදෙනෙකු ද්වේෂ සහගත ලෙස ඝාතනය කර ඇත්ද යන්න පිළිබඳ සංඛ්‍යාලේඛන සපයන ලෙස ‘මියගිය සිවිල් වැසියන්’ යැයි කියමින් සිටින අනෙක් 3 වන සහ 4 වන පාර්ශවයන්ට ද අපි ආරාධනා කරමු!
බටහිර රටවල ජීවත්වන සහ ඉගෙනුම ලබන සහ වැඩකරන මෙම එල්ටීටීඊ ඩයස්පෝරා සාමාජිකයන්ගේ ළමයින් ඊලම් ඉල්ලා සමාජ මාධ්‍ය ඔස්සේ පැමිණේ.
ඔවුන් එය තනිවම නිර්මාණය නොකරන්නේ ඇයි? තමන්ට අවශ්‍ය දේ වෙනුවෙන් අහිංසක දෙමළ දරුවන් පිටතදී පාවිච්චි කරන්නේ ඇයි ? රුද්‍රකුමාරන්ට ඊලමයක් අවශ්‍ය නම් එක්සත් ජනපදයෙන් පහළට පියාසර කර එල්ටීටීඊ නිල ඇඳුමක් අඳින්න! මේ ළමයින්ටත් එහෙමයි.
එල්ටීටීඊ ත්‍රස්තයන් විසින් අහිංසක සතුන් භාවිතය ලෝකයම හෙළාදැකිය යුතුය. එල්ටීටීඊ සතුන් අපයෝජනය කිරීම වෙනත් ත්‍රස්ත කණ්ඩායම් විසින් අනුගමනය කිරීම අපට අවශ්‍ය නැත. එබැවින් ගත යුතු පියවර ගත යුතුය.
සම බරව ඇත්ත කියන ලංකාසර පුවත් ඔබට සෑම විටෙක දැකීමට ඕනෑ නම් පහත අපේ වට්ස්ඇප් / ටෙලිග්‍රෑම් සමූහයන්ට එක්වෙන්න.
එල්ටීටීඊ ආධාරකරුවන් එල්ටීටීඊය නැවත නැඟිටුවීමට සහ ශ්‍රී ලංකාවේ භීෂණය යලි ආරම්භ කිරීමට එක්සත් ජාතීන්ගේ සංවිධානය/ ජගත් මානව හිමිකම් කවුන්සිලය භාවිතා කරන හෙයින්, විශේෂයෙන් ත්‍රස්තවාදය සඳහා එල්ටීටීඊය සතුන්ට සැලකූ ආකාරය පිළිබඳව ලෝකයේ සත්ව ක්‍රියාකාරීන්ගෙන් ප්‍රකාශයක් කිරීම හොඳ ය.”