අප්‍රේල් මස 25 වැනි දින පළාත් පාලන මැතිවරණය පවත්වන්නේ ද එසේත් නැතිනම් තවදුරටත් කල් තබන්නේ ද යන්න පිළිබඳව නිශ්චිත තීන්දුවක් ගැනීම සඳහා මැතිවරණ කොමිසම අද (23) රැස්වීමට නියමිතව තිබේ.
අද පෙරවරු 10ට සියලු දේශපාලන පක්ෂ නායකයින් සහ නියෝජිතයින් ද මැතිවරණ කොමිසම ඉදිරියට කැඳවා ඇති අතර පවතින තත්ත්වය සම්බන්ධව ඔවුන්ගෙන් ද අදහස් හා යෝජනා විමසීමට නියමිතව තිබේ.
අනතුරුව මැතිවරණ කොමිසම රැස් වී අප්‍රේල් මස 25 වැනි දින මැතිවරණය පවත්වනවා ද නැද්ද, මැතිවරණය කල් දමනවා නම් ඒ කොපමණ කාලයකට ද යන්න පිළිබඳව විශේෂ තීරණයක් ගනු ඇත.
මැතිවරණය ප්‍රකාශිත දිනයට පැවැත්විය නොහැකි නම් එය වඩාත් සුදුසු දිනයකට කල් තැබිය හැකි යැයි මැතිවරණ නීතියේ සඳහන්ව ඇති බවත් ඉකුත් පාර්ලිමේන්තු මැතිවරණය කොවිඩ් වසංගතය හේතුවෙන් තෙවරක් කල් දැමීම පූර්වාදර්ශයකට ගෙන පළාත් පාලන මැතිවරණය වෙනත් දිනකයක් නියම කළ හැකි බවත් මතක් ලෙසින් ඉදිරිපත් වී ඇත.
සම බරව ඇත්ත කියන ලංකාසර පුවත් ඔබට සෑම විටෙක දැකීමට ඕනෑ නම් පහත අපේ වට්ස්ඇප් / ටෙලිග්‍රෑම් සමූහයන්ට එක්වෙන්න.
කෙසේ වෙතත් තැපැල් ඡන්ද පත්‍රිකා මුද්‍රණය කර දීම රජයේ මුද්‍රණාලයාධිපතිනිය ප්‍රතික්ෂේප කිරීම කිරීම නිසා නියමිත දිනවලට ( මාර්තු 28, 29, 30) තැපැල් ඡන්ද විමසීම නොපැවැත්වෙන බව අද මැතිවරණ කොමිසම නිල වශයෙන් ප්‍රකාශ කරනු ඇති බව වාර්තා වේ.