ඒමන්ති මාරඹේ –
බටහිර තාරකා විද්‍යාඥයන් විසින් මෙතෙක් විශ්වයේ සිදුව ඇති දැවැන්තම පිපිරීම නිරීක්ෂණය කර ඇති බව නිවේදනය කර තිබේ.
“ඒ ටී 2021එල් ඩබ්ලිව් එක්ස් ” යනුවෙන් නම් කර ඇති මෙම දැවැන්ත පිපිරීමෙන් නිකුත්ව ඇති ආලෝකය “සුපර්නෝවා ” යනුවෙන් හැඳින්වෙන පිපිරෙන තාරකාවක් පිපිරීමෙන් විහිදෙන ආලෝකයට වඩා දස ගුණයක් දීප්තිමත් බවත් එම ආලෝකය වසර තුනක කාලයක් දර්ශනය වී ඇති ඇති බවත් එංගලන්තයේ සදම්ප්ටන් විශ්ව විද්‍යාලයේ තාරකා විද්‍යාඥයෙකු වන ආචාර්ය පිලිප් වයිස්මන් පවසයි .
සාමාන්‍ය සුපර්නෝවා වර්ගයේ තාරකාවක පිපිරීමෙන් නිකුත් වන ආලෝකය දර්ශනය වනුයේ මාස කිහිපයක කාලයක් පමණක් බව පවසන එම පිපිරීම නිරීක්ෂණය කරන ලද පර්යේෂණ කණ්ඩායමේ ප්‍රධානියා වන ආචාර්ය වයිස්මන් .මෙම දැවැන්ත පිපිරීම .සුර්යයාට වඩා දහස් ගුණයක් විශාල වායු වලාකුළක් හේතුවෙන් ඇති වී තිබෙන බව සඳහන් කරයි .
මෙම වායු වලාකුළේ කොටස් පිපිරීමෙන් අනතුරුව ගිලී ගොස් කළු කුහරයක් වටා දුවිලි තට්ටුවක් මෙන් අහසේ දිස්ව ඇති බවත් එය “ඩෝ නට්ස් ” නමැති රසකැවිල්ලට සමාන දර්ශනයක් බව ඔහු අවධාරණය කර තිබේ .
මෙම පිපිරීමෙන් නිකුත් වූ ආලෝකය 2020 වසරේදී ඇමරිකා එක්සත් ජනපදයේ කැලිෆෝර්නියා ප්‍රාන්තයේ පිහිටි “ස්විකි ” නමැති නිරීක්ෂණාගාරයක් මගින් මුලින්ම නිරීක්ෂණය කර වාර්තා කර තිබිණි .
පෘථිවිය වසර බිලියන හයක් පමණ පැරණි වුවද මෙම පිපිරීම සිදුව ඇත්තේ ආලෝක වර්ෂ බිලියන අටකට පෙරය.
සම බරව ඇත්ත කියන ලංකාසර පුවත් ඔබට සෑම විටෙක දැකීමට ඕනෑ නම් පහත අපේ වට්ස්ඇප් / ටෙලිග්‍රෑම් සමූහයන්ට එක්වෙන්න.
පිපිරීම පැරණි වුවද එය තවමත් දුරේක්ෂ ජාලයකින් නිරීක්ෂණය කිරීමේ හැකියාව පවතින බව ආචාර්ය වයිස්මන් කියයි .