වැසි සහිත කාලගුණික තත්ත්වයන් යටතේ, නිතර සිදුවන දෛනික විදුලි බිදවැටීම් හැකිතාක් අවම කරමින්, විදුලි සැපයුම් යතා තත්ත්වයට පත් කිරීමට දීපව්‍යාප්ත විශේෂ වැඩපිළිවෙලක් සකස් කර ඇති බැවින්, විදුලි පාරිභෝගික පහසුව මුල් තැන්හිලා සලකමින් ක්‍රියා කරන්නැයි විදුලිබල අමාත්‍ය ඩලස් අලහප්පෙරුම මහතා විදුලිබල නිලධාරීන්ට උපදෙස් දී තිබේ.
ජනාධිපතිවරයාගේ සෞභාග්‍යයේ දැක්ම ප්‍රකාරව, ජනතා සුබසාධනය වෙනුවෙන් වන යටිතල පහසුකම් නගාසිටුවීමේ සහ සංවර්ධනය කිරීමේ වැඩපිළිවල යටතේ, විදුලිබල අමාත්‍ය ඩලස් අලහප්පෙරුම මහතා අද (21) පෙරවරුවේ මාතර දිස්ත්‍රික්කයේ හක්මන සංවර්ධන කමිටු රැස්වීමට සහභාගී වෙමින්, 35,000 ක පමණ විදුලි පාරිභෝගික පිරිසක් ජීවත්වන මාතර, හක්මන විදුලි ඉංජිනේරු කාර්යාලයට අයත් කිරින්ද, පුහුල්වැල්ල, දෙයියන්දර, මුලටියන මෙන්ම දෙවිනුවර සහ තිහගොඩ යන ප්‍රදේශයන්ගේ විදුලි පාරිභෝගික ගැටළු පිළිබදව සාකච්ඡා කෙරිනි.
මෙම ප්‍රදේශයන්ගේ දෛනිකව විදුලි බිදවැටීම් සිදුවන බවත්, වර්ෂාව පවතින දිනයන්හිදී මෙම ප්‍රමාණය ඉහළ අගයක් ගන්නා බවත් පැවසීය.
මෙම ගැටළු සම්බන්ධයෙන් කඩිනම් පියවර ගැනීමට අමාත්‍යවරයා විසින් අදාළ නිලධාරීන්ට උපදෙස් දී තිබේ.
සම බරව ඇත්ත කියන ලංකාසර පුවත් ඔබට සෑම විටෙක දැකීමට ඕනෑ නම් පහත අපේ වට්ස්ඇප් / ටෙලිග්‍රෑම් සමූහයන්ට එක්වෙන්න.
මාතර කිරින්ද පුහුල්වැල්ල ප්‍රාදේශීය සභා කාර්යාලයේ පැවති මෙම සංවර්ධන කමිටු රැස්වීමට ප්‍රාදේශීය සභාපතිවරයා ඇතුළු ප්‍රදේශයේ රාජ්‍ය ආයතන ප්‍රධානීහු සහභාගී වූහ.