මනම්පිටිය නිමල් ජයරත්න –
රුපියල් ලක්ෂ 50 කට අලෙවි කිරීමට තබාගත් ගජමුතු දෙකක් සමග සැකකරුවන් දෙදෙනෙකු පොළොන්නරුව බැඳිවැව ප්රදේශයේදී ඊයේ (26) සවස අත්අඩංගුවට ගත් බව පොළොන්නරුවව කොට්ඨාස අපරාධ විමර්ශන අංශය සඳහන් කරයි.
අත්අඩංගුවට ගත් සැකකරුවන් පොළොන්නරුව බැඳිවැව ප්රදේශයේ පදිංචි අවුරුදු 40 හා 42 යන වයස්වල පසුවන්නන් බව
ඒ පිළිබඳ පරීක්ෂණ සිදුකරන පොළොන්නරුව කොට්ඨාස අපරාධ විමර්ශන අංශය පවසයි.
සැකකරුවන්ගෙන් එක් අයකු වඩු වැඩ කරන පුද්ගලයෙක්වන අතර මොවුන් දෙදෙනා ගජමුතු දෙක දඹුල්ල ප්රදේශයට රුපියල් ලක්ෂ 50 කට අලෙවි කිරීමට සූදානම් කර තිබි ඇත,
උපාය දූතයෙකු යොදා ගජමුතු දෙක සමග පුද්ගලයන් දෙදෙනා අත්අඩංගැනීමට හැකියාව ලැබුණු බව පරීක්ෂණ සිදුකරන කොට්ඨාස අපරාධ විමර්ශන අංශයේ උසස් නිලධාරියකු අප කළ
විමසීමකදී පැවසීය.
පොළොන්නරුව කොට්ඨාස අපරාධ විමර්ශන අංශයේ ස්ථානාධිපති පොලිස් පරීක්ෂක ඒ.ටී.බණ්ඩාර ඇතුළු පොලිස් නිලධාරී කණ්ඩායමක් මෙම වැටලීම සිදුකළහ.
අත්අඩංගුවට ගත් ගජමුතු දෙක සමඟ සැකකරුවන් අද ( 27 ) පොළොන්නරුව මහේස්ත්රාත් අධිකරණයට ඉදිරිපත් කිරීමට නියමිත බවද පොලිසිය පවසයි.
