COVID-19 ආසාදිත මළසිරුරු භූමදානය කිරීම පිළිබඳ මාර්ගෝපදේශ ඇතුළත් චක්‍රලේඛය නිකුත් කර ඇති බව සෞඛ්‍ය අමාත්‍යාංශය පවසයි.
එහි දැක්වෙන ප්‍රධාන මාර්ගෝපදේශ කිහිපයක් පහත පරිදි වේ.
සම බරව ඇත්ත කියන ලංකාසර පුවත් ඔබට සෑම විටෙක දැකීමට ඕනෑ නම් පහත අපේ වට්ස්ඇප් / ටෙලිග්‍රෑම් සමූහයන්ට එක්වෙන්න.
- මෘත දේහය ප්‍රමාදයකින් තොරව භූමදාන කිරීම සඳහා මියගිය අයගේ ඥාතීන් සෞඛ්‍ය සේවා ආයතනයේ අධ්‍යක්ෂ / ප්‍රධානියාට (මරණය සිදුවූ ස්ථානය) දැනුම් දිය යුතුය.
- සිරුර භූමදානය කිරීමට නම් රෝහලේ අධ්‍යක්ෂක / සෞඛ්‍ය සේවා ප්‍රධානියා වෙත ඥාතීන්ගෙන් ලිඛිත ඉල්ලීමක් තිබිය යුතුය.
- ඥාතීන් මිනී පෙට්ටියක් කල්තියා ලබා දිය යුතුය.
- ඥාතීන් විසින් සපයන ලද මිනී පෙට්ටියෙහි බහා මෘත දේහය ලබා ගන්නා කොළඹ අධිකරණ වෛද්‍ය හා විෂවේද විද්‍යා ආයතනයේ (ජේඑම්ඕ කාර්යාලය) / වැලිකන්ද මූලික රෝහලේ සිට නම් කරන ලද නිලධාරියා වෙත ප්‍රවාහනය අධ්‍යක්ෂක / සෞඛ්‍ය සේවා ප්‍රධානියාගේ කාර්‍ය්යකි.
- මෘත දේහ නාච්චිකුඩා ජැටිය වෙත ප්‍රවාහනය කරන වාහනය දිනපතා උදේ 5.30 ට සෞඛ්‍ය සේවා අධ්‍යක්ෂවරයා විසින් නම් කරන ලද මෘතදේහ ලබාගන්නා මධ්‍යස්ථානයෙන් පිටත් වේ.
- බලයලත් නිලධාරීන් විසින් රැගෙන යන ලද මළ සිරුර ප්‍රදේශීය MOH නියෝජිත මහජන සෞඛ්‍ය පරීක්ෂකවරයකු විසින් නාච්චිකුඩා ජැටියෙ හි අදාළ ස්ථානයට භාර දෙනු ලැබේ.
- භූමදානය සිදු කරනු ලබන්නේ ශ්‍රී ලංකා රජය විසින් වෙන් කරන ලද දූපතක පොලිස් / ආරක්ෂක නිලධාරීන්ගේ පහසුකම් හා සම්බන්ධීකරණයෙන් ඥාතීන් ඉදිරියේ ය. ආගමික කටයුතුවලට අවසර ඇත්තේ රෝහලේදී පමණි.
- ඥාතීන්ට හෝ අනවසර පුද්ගලයින්ට සෞඛ්‍ය සේවා ආයතන තුළ ඡායාරූප, වීඩියෝ සහ වීඩියෝ ඇමතුම් ලබා ගැනීමට අවසර නැත.
- භූමදානය සඳහා පැමිණීමට අවසර ඇත්තේ ඥාතීන් දෙදෙනෙකුට පමණි.