අනූව දශකයේ අග භාගයේ සිට පුරා දශයකට අධික කාලයක් ලෝක ක්‍රිකට් ක්‍රීඩාව වර්ණවත් කළ විශිෂ්ට ක්‍රීඩකයෙක් වූ ඇන්ඩෘ සයිමන්ස් දිවි ගමනින් සමුගෙන ඇත.
මාර්තු මුල් සතියේ ෂේන් වෝන් සහ රොඩ්නි මාෂ්ගේ මිය ගියේය. ඔහුගේ මරණය 2022 වර්ෂයේ දී පුරාවෘත බඳු වූ තුන්වන ඕස්ට්‍රේලියානු ක්‍රිකට් ක්‍රීඩකයාගේ මරණයයි.
ඔස්ට්‍රෙලියානු ජාතික කණ්ඩායම නියෝජනය කරමින් වර්ෂ 1998 සිට 2009 දක්වා ජාත්‍යන්තර ක්‍රිකට් දිවිය තුළ ටෙස්ට් තරග 26කට සහ එක්දින තරග 198කට ක්‍රීඩා කළ තුන් ඉරියව් ක්‍රීඩයෙක් වූ ඇන්ඩෘ සයිමන්ස් ක්වීන්ස්ලන්තයේදී සිදු වූ රිය අනතුරකින් ජීවිතක්ෂයට පත්ව තිබේ.
සයිමන්ඩ්ස් 46 හැවිරිදි වියේ පසුවූ අතර ඔහු විශ්‍රාමිකව ජීවත් වූ ටවුන්ස්විල් නගරයෙන් පිටත දී මෙම අනතුරට ලක් විය.
ප්‍රකාශයක් නිකුත් කරමින් ක්වීන්ස්ලන්ත පොලිසිය පැවසුවේ “ඊයේ රාත්‍රියේ ටවුන්ස්විල් සිට කිලෝමීටර් 50 ක් පමණ ඔබ්බෙන් වූ හර්වි රේන්ජ් ප්‍රදේශයේදී මෙම අනතුර සිදු වී ඇති බවය.
පොලිස් වාර්තා අනුව අනතුර සිදුවී ඇත්තේ රාත්‍රී 11 ට පසුවය. මෝටර් රථය ඇලිස් ගංගා පාලම අසල හර්වි රේන්ජ් පාරේ ධාවනය කරමින් සිටියදී එය මාර්ගයෙන් ඉවතට ගොස් පෙරළී ඇති බව පොලිසිය කියන්නේය.
හදිසි සේවා ඔහුගේ ජීවිතය බේරා ගැනීමට උත්සාහ කළ නමුත්, බරපතල තුවාල හේතුවෙන් ඔහු මිය ගොස් තිබිණි.
ඔහු ගැන ක්‍රිකට් මතකය –
ඇන්ඩෘ සයිමන්ස් වර්ෂ 2003 සහ 2007 දී අපරාජිතව ලෝක ශූරතාවය දිනූ ඔස්ට්‍රේලියානු කණ්ඩායම් දෙකම නියෝජනය කළ ක්‍රීඩකයෙකි. ඔහු 2000 දශකයේ මැද භාගයේදී ඔස්ට්‍රේලියානු ටෙස්ට් කණ්ඩායමේ ප්‍රබල ක්‍රීඩකයෙක් විය.
බර්මින්හැම් හි උපත ලද ඇන්ඩෘට එංගලන්තයට ක්‍රීඩා කළ හැකිව තිබූ නමුත් ඔහු 1995 දී එංගලන්ත ඒ කණ්ඩායමට කැඳවීම ප්‍රතික්ෂේප කළේය.
ඔහුගේ පළමු ඔස්ට්‍රේලියානු එක්දින තේරීම 1998 දී සිදු වූයේය. එහෙත් ඔහුට කණ්ඩායමේ ස්ථානයක් තහවුරු කරගැනීමට කලක් උපේක්ෂා සහගත වීමට සිදුවූයේය.
වර්ෂ 2003 ලෝක කුසලානයේ ඔස්ට්‍රේලියාවේ ආරම්භක තිබුණේ පාකිස්ථානය සමගය . එම තරගයේදී ඔහු පාකිස්ථානයට එරෙහිව ලකුණු 86කට කඩුලු 4ක් දවා ගත්තේය. අනතුරුව පන්දුවට පහර දෙමින් පන්දු 125කදී ලකුණු 143ක් ලබා ගෙන පිටිය වර්ණවත් කළේය. ඔහු එක්දින ක්‍රිකට් දිවයේ ශතක හයක් සටහන් වී තිබිණි.
ඇන්ඩෘ සයිමන්ස් සිය මංගල ටෙස්ට් තරගය ක්‍රීඩා කරන්නේ වර්ෂ 2004 ය. මුල් තරග වලදී අර්ධ ශතක කිහිපයක් ඔහු ලබා ගත්තේය. වර්ෂ 2006-07 එංගලන්තයට එරෙහිව පැවති බොක්සිං ඩේ ටෙස්ට් තරගයේදී ඔහු පිපිරෙන ලකුණු 156 ක් ලබා ගනිමින් පිටියේ දැවැන්ත පෙරළියක් කළේය.
ඔහු 2008 දී සිඩ්නිහිදී ඉන්දියාවට එරෙහිව ලකුණු 162 ලබා ගනිමින් සිය වෘත්තීය ජීවිතයේ හොඳම ඉනිම ක්‍රීඩා කළේය.
පිටියෙන් පිටත ගැටළු සයිමන්ඩ්ස් හට කිසිදා දුරස් නොවීය. වර්ෂ 2005 වසරේ කාඩිෆ්හිදී බංග්ලාදේශයට එරෙහිව ඔස්ට්‍රේලියාවේ ඓතිහාසික පරාජයට පත්වීමට පෙර බීමත්ව සිටි ඔහු තරග තහනමකට ලක් විය.
2008 වසරේ කණ්ඩායම් රැස්වීමකට සහභාගි විය යුතුව තිබිය දී ඩාවින්හි විනෝද චාරිකාවකට එක්වීමත් සමග ඔහුගේ ජාත්‍යන්තර ජීවිතය අවසන් විය. 2009 විස්සයි 20 ලෝක කුසලානය ආසන්නයේ යළිත් විනය කඩ කිරීමේ චෝදනා මත ඔස්ට්‍රේලියානු ක්‍රිකට් සමග ඔහු ඇතිකරගෙන තිබූ ගිවිසුම ඉක්මිනන්ම නිමා කිරීමට ක්‍රිකට් පරිපාලනය කටයුතු කළේය.
ක්‍රිකට් පිටියෙන් සමුගත් ඇන්ඩෘ මාධ්‍ය ක්ෂේත්‍රයට පිවිසේයය. ඒ ක්‍රිකට් විචාරකයෙක් ලෙසිනි.
සම බරව ඇත්ත කියන ලංකාසර පුවත් ඔබට සෑම විටෙක දැකීමට ඕනෑ නම් පහත අපේ වට්ස්ඇප් / ටෙලිග්‍රෑම් සමූහයන්ට එක්වෙන්න.
ඔහුගේ වෘත්තීය ජීවිතය T20 යුගයේ ආරම්භය සපුරාලීමත් සමඟ – ඔහු 2004 දී කෙන්ට් වෙනුවෙන් පන්දු 34ක ශතකයක් ලබා ගත් අතර 2008 පළමු IPL වෙන්දේසියේදී USD මිලියන 1.35ක් උපයා ගත්තේය – ඔහු ක්වීන්ස්ලන්ඩ්, Deccan Chargers හි අක්ෂර වින්‍යාසය සමඟ සංචාරක T20 ක්‍රීඩකයෙකු බවට පත්විය. සහ 2012 දී විශ්‍රාම යාමට පෙර සරේ. පසුව ඔහු මාධ්‍ය ක්ෂේත්‍රයට පිවිසි අතර ඕස්ට්‍රේලියාවේ විවරණ පෙට්ටියේ නිත්‍යව සිටියේය.