හම්බන්තොට, සාමෝදාගම ප්රදේශයේ නිවසක නීති විරෝධී අයුරින් පවත්වාගෙන ගිය ඉන්ධන ගබඩාවක් වටලා එහි හිමිකාරිනිය අත්අඩංගුවට ගැනීමට හම්බන්තොට පොලිසිය සමත්ව තිබේ.
පොලිසියට ලැබුණු තොරතුරකට අනුව 19 වැනිදා රාත්රියේ සිදුකළ මෙම වැටලීමේදී අත්අඩංගුවට ගෙන ඇත්තේ සාමෝදාගම පදිංචි 37 හැවිරිදි කාන්තාවකි.
පරීක්ෂා කිරීමේදී එම නිවසේ ගබඩා කර තිබූ ඩීසල් ලීටර් 460ක් සහ පෙට්රල් ලීටර් 14ක් පොලිස් භාරයට ගෙන ඇත. අත්අඩංගුවට ගන්නා අවස්ථාවේදී සැකකාරිය පවසා ඇත්තේ තමන් සතු ට්රැක්ටර් දෙකක්, ස්කැවේටර් යන්ත්රයක් සහ යතුරුපැදියක් සඳහා මෙම ඉන්ධන තොගය ගබඩා කර තබාගත් බවයි.
කෙසේ වෙතත්, බලපත්රයකින් තොරව මෙලෙස ඉන්ධන රැස්කර තබා ගැනීම සම්බන්ධයෙන් සැකකාරිය හම්බන්තොට මහේස්ත්රාත් අධිකරණයට ඉදිරිපත් කිරීමට නියමිතය. හම්බන්තොට පොලිසිය සිද්ධිය සම්බන්ධයෙන් වැඩිදුර විමර්ශන පවත්වයි.
