ලලිත් චාමින්ද –
හම්බන්තොට දිස්ත්රික්කයේ මුං ඇට ගොවින්ගේ මුංඇට අස්වැන්න සඳහා සාධාරණ මිලක් ලබාදීමට අදාළ ආයතන හා ගොවින් සමග සාකච්ඡාකොට වැඩපිළිවෙළක් සකස්කොට ඇති බැව් දකුණු පළාත් ආණ්ඩුකාර බන්දුල හරිස්චන්ද්ර පවසයි.
මේ දිනවල හම්බන්තොට දිස්ත්රික්කයේ මුංඇට අස්වැන්න නෙලමින් පවතින බවත් ගොවින්ගේ මුංඇට අස්වැන්න සාධාරණ මිලකට මිලදි ගැනීම සඳහා සතොස, කාගිල්ස්, සමුපාකාර සහ ත්රි පෝෂ නිෂ්පාදනය කරණ ආයතන සමග සාකච්ඡාකොට ඇති බවත් ආණ්ඩුකාරවරයා පෙන්වාදෙයි.
මෙවර කන්නයේ දි මුංඇට කිලෝ ලක්ෂ 30ක පමණ අස්වැන්නක් නෙලා ගැනිමට හැකි බවට ගොවි සංවිධානවල සභාපතිවරු තමන් සමග ප්රකාශ කළ බවද ආණ්ඩුකාරවරයා කියයි. ගොවින්ගේ මුංඇට අස්වැන්න කුණු කොල්ලයට මිලදී ගැනීම සඳහා කිසිවෙකුටවත් ඉඩ නොතබන බව සඳහන් කළ දකුණු පළාත් ආණ්ඩුකාරවරයා අවශ්ය වුවහොත් මුංඇට අස්වැන්න ගබඩාකර ගැනීම සඳහා වී අලෙවි මණ්ඩලය සමග සාකච්ඡාකොට ගබඩා පහසුකම් ලබාදිමට පවා කටයුතු කරණ බවද ආණ්ඩුකාරවරයා වැඩිදුරටත් පවසයි.
මේ පිළිබද කෘෂිකර්ම නිලධාරින් හා ගොවින් සමග සාකච්ඡාකොට ඇති බවද හෙතෙම වැඩිදුරටත් සඳහන් කරයි.
