දිනසේන රතුගමගේ –
මන්නාරමේ එමිල් නගර් හා නානාට්ටන් යන පළාත් වලට වර්ෂාව සමග මේ සුළි කුණාටුව හමා යාම නිසා පවුල් 78 කට අයත් පුද්ගලයින් 259 දෙනෙකු විපතට පත්ව සිටිති.
මන්නාරමේ වැසියන්ගේ නිවාස වල වහලවල් සුළගට ගසාගෙන ගොස් ඇති අතර ඔවුන් රාත්රී කාලය ගෙවීම සදහා ප්රදේශයේ වෙනත් පොදු ආරක්ෂිත ස්ථාන කරා ගොස් තිබේ.
කිළිනොච්චියේ කණ්ඩාවලෙයි ප්රදේශයට වර්ෂාව සමග හමාගිය සුළි කුණාටුව හේතුවෙන් කණ්ඩාවලෙයි ග්රාම නිලධාරී කාර්යාලය ඇතුලු නිවාස හයකට අලාභ හනි සිදුව ඇති අතර ඉන් විපතට පත්ව ඇති පුද්ගලයින් සංඛ්යාව 27 කි.
වර්ෂාව හා සුළි කුණාටුව නිසා විපතට පත්ව සිටින මේ පවුල් වලට හැකි සෑම ආධාරයක්ම ලබා දෙන ලෙසත් ඔවුන්ගේ නිවාස කඩිනමින් පිළිසකර කොට දීමට පියවර ගන්නා ලෙසත් මන්නාරම හා කිළිනොච්චි දිසාපතිවරු අදාල නිලධාරීන්ට උපදෙස් දී තිබේ.
මන්නාරම හා කිළිනොච්චි පළාත් වල ආපදා කලමනාකරණ මධ්යස්ථාන වල නිලධාරීන් හා ප්රාදේශීය ලේකම්වරුන්ද විපතට පත් පළාත් වල වැසියන් මුණ ගැසීමට ගොස් තිබේ.