රේගු පරීක්ෂාවකින් තොරව වරායෙන් නිහස් කළ බහාලුම් 323 නිදහස් කරනු ලැබුවේ තුන් දෙනෙකුගෙන් යුත් කමිටුවක නිර්දේශ මත බවත් එම හබාලුම්වල වගකීම මුලුමනින්ම රජය භාර ගන්නා බවත් වරාය සහ සිවිල් ගුවන් සේවා නියෝජ්ය අමාත්ය ඉංජිනේරු ජනිත් රුවන් කොඩිතුවක්කු පවසයි.
මේ පිළිබඳ සමාජයේ කතාබහක් මතුවූයේ පසුගියදා රේගු වෘත්තීය සමිති සන්ධානය සිදුකළ අනාවරණයත් සමගය.
ඊට පිළිතුරු දෙමින් අද ඇමතිවරයා කීවේ ආනයනික බහාලුම් නිදහස් කරගැනීමේ ප්රමාදය සහ තදබදය නිසා පරීක්ෂාවකින් තොරව නිශ්චිත බහාලුම් ප්රමාණයක් රේගුවෙන් නිදහස් කෙරුණේ රජය එහි වගකීමභාරගෙන බවය.
“නිර්ණායක අනුව තමයි මේ වැඩේ කරන්නේ. මේ කියන තුන්සිය ගණනත් එළියට දැම්මේ තුන්දෙනෙකුගේ කමිටුවක් හරහා. වරායට එන කන්ටේනර් 2000ම අපිට කවදාවත් පරීක්ෂා කරලා එළියට දාන්න බැහැ. ඒ නිසා අපි යම්කිසි ප්රමාණයක් නිදහස් කරනවා. අලුත් අංගනවලට යන්නේ නැතුව මේ ප්රශ්නය විසඳෙන්නේ නැහැ”. ඇමතිවරයා පැවසුවේය.
