දිනසේන රතුගමගේ –
යාපනය කන්කසන්තුරේ ශ්‍රී තිස්ස විහාරය ආරක්ෂා කර ගැනීම සඳහා ඒ අවට දෙමළ ජනතාව විශාල ප්‍රමාණයක් මේ වන විට ඉදිරිපත් වී සිටිති.
ඔවුන් විශාල පෙරහැරකින් විහාරස්ථානය වෙත පැමිණ විහාරාධිපති ගින්තොට නන්දාරාම නායක හිමියන්ගේ ධර්ම දේශනයකට සවන් දී පසුව පැවති විශේෂ බුද්ධ පූජාවෙන් පසුව සියලුම දෙමළ වැසියන් පිරිත් නූල් බැද ආශිර්වාද ලබා ගත්හ.
අනතුරුව පළාතේ දෙමළ දායකයන් හා හා විහාරාධිපති හිමියන් විසින් මේ වැසියන් සඳහා බත් දන්සැලක් පැවැත් වූ අතර ඊට සහභාගී වූ යාපනයේ වැසියන් ප්‍රකාශ කොට සිටියේ ආගමික ස්ථාන සම්බන්ධයෙන් විරසකවීම් හා විරෝධතා පැවැත්වීම නතර කොට ආගමික සහනශීලිභාවය ඇති කළ යුතු බවයි.
මෙම වැඩසටහන සඳහා යාපනයේ වෙසෙන ආගමික නිදහස අගයන සාමාන්‍ය ජනතාව විශාල පිරිසක් සහභාගී වූ අතර මෙහි තරුණ සහභාගීත්වය කැපී පෙනන කාරණයක් විය.
සම බරව ඇත්ත කියන ලංකාසර පුවත් ඔබට සෑම විටෙක දැකීමට ඕනෑ නම් පහත අපේ වට්ස්ඇප් / ටෙලිග්‍රෑම් සමූහයන්ට එක්වෙන්න.
යාපනයේ දේශපාලන ක්‍රියාධරයකු හා සමාජ ක්‍රියාධරයකු වන අරුන් සිද්ධාර්ථන් විසින් මේ වැසියන්ව ශ්‍රී තිස්ස විහාරය සමග ඉතා සමීප සබදකම් පවත්වන පිරිසක් බවට පත්කොට තිබේ.