බණ්ඩාරගම, බොල්ගොඩ තුංබෝධිය පාලම අසලදී ඊයේ (21) ඝාතනය කෙරුණු හිටපු බන්ධනාගාර නිලධාරියා මාකඳුරේ මදූෂ්ගේ ඩුබායි සාදයට සහභාගී වූ අයෙකු බවත් සංවිධානාත්මක අපරාධකරුවෙකු වූ සමයං ඝාතන සිද්ධිය පිළිබඳ තොරතුරු ලබාදීම සම්බන්ධයෙන් චෝදනා එල්ල වී වැඩ තහනමකට ල් වූ පුද්ගලයෙක් බවත් පොලීසිය පවසයි.
2017 පෙබරවාරි මස 27 දා කළුතර එතනමඩල ප්රදේශයේදී බන්ධනාගාර බස් රථයකට වෙඩිතබා සමයං ඇතුළු රැඳවියන් 5 දෙනෙක් සහ බන්ධනාගාර නිලධාරින් දෙදෙනෙක් අපරාධ ඝාතනය කරනු ලැබිනි..
ඊයේ ඝාතනය වන්නේ . පානදුර, අලුබෝගහවත්ත ප්රදේශයේ පදිංචි ලලිත් කුමාර කෝදාගොඩ නමැත්තෙකි. එතනමඩල ප්රහාරයට ඔත්තු සැපයීම සම්බන්ධව වැඩතහනමට ලක්වූ බන්ධනාගාර නිලධාරියෙකි.
මරණකරු 2021 වසරේ ඩුබායි රාජ්යයේදී මාකඳුරේ මදූෂ්ගේ උපන්දින සාදයට සහභාගී වීම හේතුවෙන් අත්අඩංගුවට පත්වූ අයෙක් බවද පොලීසිය පවසයි
ඔහු සතුව තිබී රුපියල් ලක්ෂයකට අධික මුදලක්ද ඝාතනය වූ අවස්ථාවේදී පොලිසිය සොයාගෙන තිබේ.
මෙම තැනැත්තා මෝටර් රථය පදවාගෙන යද්දී එම රථය ලුහුබැඳ පැමිණි ඝාතකයින් ටී 56 ගිනි අවියකින් ප්රහාර 29ක් එල්ල කර තිබුණු බවත් අදාල පුද්ගලයා එම ස්ථානයේ ඝාතනය වී ඇති බවත් පොලිසිය පවසය.ි
ප්රහාරයෙන් පසු වෙඩික්කරුවන් කළුතර දෙසට පලාගොස් තිබේ. කෙසේවෙතත් ඝාතනයට හේතුව මෙතෙක් හෙළිවී නොමැති අතර පොලිස් කණ්ඩායම් කිහිපයක් විමර්ශන ආරම්භ කර ඇත.
