කීර්ති ප්‍රනාන්දු –
සම බරව ඇත්ත කියන ලංකාසර පුවත් ඔබට සෑම විටෙක දැකීමට ඕනෑ නම් පහත අපේ වට්ස්ඇප් / ටෙලිග්‍රෑම් සමූහයන්ට එක්වෙන්න.
දැනට නිකුත් කර ඇති චක්‍රලේඛ ප්‍රකාරව නිරෝධායනයට යොමු කිරීමේ බලය සෞඛ්‍ය නිලධාරීන්ට පමණක් බවත් පසුගිය දා නිරෝධායන නීති කඩ කිරීමේ චෝදනා පිට අධිකරණයට යොමු කර අධිකරණයෙන් ඇප ලබා දුන් වෘත්තීය සමිති නායකයන්, සංඝයාවහන්සේ ඇතුළු පිරිස මුලතිව් පටවනු ලැබුවේ කිසිම සෞඛ්‍ය බලධාරියෙකුගේ මැදිහත්වීමකින් තොරව බවත් සෞඛ්‍ය අංශ පවසයි.
මේ සිද්ධිය සිදුවන මොහොතේ සිට මේ දක්වා වලංගු වූ නිරෝධායන චක්‍රලේඛ ප්‍රකාරව නිරෝධායනය සඳහා යොමුකිරීමේ බලය අධිකරණයටවත් නොමැති බව පෙන්වා දෙන සෞඛ්‍ය අංශ පුද්ගලයෙක් නිරෝධායනයට යොමුකළ හැකි අවස්ථා තුනක් පවතින බව පෙන්වා දෙන්නේය.
කොවිඩ් ආසාදිත රොගියෙක් හමුවුන විට රෝගියාත්, එම රෝගියා ඇසුරුකළ පළමු පෙළ ආශ්‍රිතයනුත්, විදේශයක සිට පැමිණෙන අයත් මේ චක්‍රලේඛය අනුව නිරෝධායනය කිරීමේ බලය සෞඛ්‍ය අංශ වෙත පැවරී තිබේ.
මින් පිට කිසිම පුද්ගලයෙක්ව නිරෝධායනය කිරීමේ බලයක් සෞඛ්‍ය අංශ සතුව හෝ නැති වටපිටාවක සිදුවූ ක්‍රියාවලිය මුලුමනින්ම නීති විරෝධී බව සෞඛ්‍ය ආරංචි මාර්ග තහවුරු කර පෙන්වා දෙන්නේය.
“ රැස්වීමක් තියලා නිරෝධායන නීති කඩකලා නම් පොලිසියට හෝ සෞඛ්‍ය බලධාරීන්ට ඒ පුද්ගලයින්ට එරෙහිව නඩු දාන්න පුලුවන්. ඒ බලය ගැස්ට් එකකින් ලබා දීලා තියනවා. අධිකරණය ඉදිරිපත් කිරීමෙන් පසු නීතිය ප්‍රකාරව අධිකරණයට දඬුවම් කළ හැකියි. නමුත් නිරෝධායනය සදහා යොමු කරන්න කියලා නියෝගයක් දෙන්න බෑ. පොලිසිය අවස්ථා ගණනක දි අධිකරණයෙන් එහෙම නියෝග ඉල්ලුවා. අධිකරණය පැහැදිලිවම කිව්වා ඒ විදිහෙ බලයක් අධිකරණයට නෑ කියලා.“
“රැස්වීමක් තිබ්බා කියලා මිනිස්සු නිරෝධායනය කරන්න බෑ. වත්තල බෝ පිටියෙ කළ උද්ඝෝෂණයකට ඇප ලබපු මිනිස්සුන්ව නිරෝධායනය කරන්න කියලා මහජන සෞඛ්‍ය පරීක්ෂකවරයාගෙන් පොලිසිය ලියුමක් ඉල්ලුවා. ඔවුන් ඒ ලියුම් දුන්නෙ නෑ. මේ විදිහට බලනකොට සීට් ගානට වැඩිය බස් එකක යන මිනිස්සුත් කරන්නෙ නීති විරෝධී ඒකරාශී වීමක්. ඒ අයත් නිරෝධායනය කරන්න වෙනවා.“