තම විවාහය පිළිබඳ සියලු සාක්ෂි මිසිස් වර්ල්ඩ් ඉන්කෝපරේශන් සංවිධානය වෙත ඉදිරිපත් කළ බව ශ්‍රී ලංකා විවාහක රූ රැජිණ වන පුෂ්පිකා ද සිල්වා මහත්මිය පවසයි.
ඇය පවසන්නේ ලෝක විවාහක රූ රැජිණ වන කැරොලයින් ජුරි සහ ප්‍රවීන නිරූපිකාවක් වන චූලා පද්මේන්ද්‍ර තමාගේ කිරුළ ගැලවීමේ සිද්ධියට හේතු වූයේ දැඩි ඊර්ෂ්‍යාව බවයි.
පුවත්පත් සම්මුඛ සාකච්ඡාවකට එක්වෙමින් පුෂ්පිකා කියා සිටියේ තම කිරුළ ගලවා දැමීමට හේතු වූ දික්කසාදය පිළිබඳ චෝදනා අසත්‍යයක් වී ඇති බැවින් මේ වන විට එය විසඳී ඇති බවයි.
“මගේ ස්වාමිපුරුෂයා ප්‍රකාශයක් කර තිබෙනවා මම දික්කසාද වී නැති බව. ඊට වඩා දෙයක් නෑනෙ. මම අවශ්‍ය සියලුම ලියකියවිලි ජාත්‍යන්තර තරගයට ඉදිරිපත් කළා. ලෝක විවාහක රූ රැජිණ තරග සංවිධායකයින්ට දැන් කරදර වෙන්න කිසිදෙයක් නෑ. කිසිවකුට කරදර වීමට කිසිවක් නොමැති අවස්ථාවක, අනෙක් අය මේ වගේ හැසිරෙන්නේ ඇයි කියන එකයි ගැටලුව” පුෂ්පිකා පැවසීය.
ජූරි සහ චූලා හැසිරවූයේ කවුරුන්දැයි තමාට විශ්වාස නැති බවත්, මෙම හැසිරීම නිසා ඔවුන් විසින්ම තමන්ගේ ඇදවැටීම කරගත් බවත් ඇය පැවසුවාය.
සම බරව ඇත්ත කියන ලංකාසර පුවත් ඔබට සෑම විටෙක දැකීමට ඕනෑ නම් පහත අපේ වට්ස්ඇප් / ටෙලිග්‍රෑම් සමූහයන්ට එක්වෙන්න.
කෙසේ වෙතත් ඇය කියා සිටියේ ඔවුන් දෙදෙනාගේ ක්‍රියාවන්ට සමාව දුන් බවත් එවැන්නක් නැවත නොකිරීමට ඔවුන්ගෙන් ඉල්ලා සිටින බවත්ය.