ටී56 ගිනි අවියක් ඇතැතිව යතුරුපැදියකින් පැමිණි දෙදෙනෙකු විසින් හික්කඩුව නගරයේදී පුද්ගලයෙකුට වෙඩිතැබීමට ගත් උත්සායක් ව්යර්ථ වී තිබේ.
අද (14) පස්වරුවේදී මෙම වෙඩිතැබීම සිදු කිරීමට උත්සාහ දරා ඇති ආකාරයත් ගිනි අවිය අක්රීය වීමත් සමග වෙඩි තැබීමට පැමිණි කුලී මිනීමරුවා සහ වෙඩි පහරට ඉලක්ක වීමට ගිය පුද්ගලයා පොරබදන ආකාරයත් අනතුරුව දෙදෙනාම පලා යන ආකාරයත් සී.සී.ටී.වී වල සටහන් වී තිබේ.
වෙඩිතැබීමට පැමිණි කුලී මිනීමරුවන් දෙදෙනා යතුරුපැදියකින් පලා යන ආකාරයත්, ඉලක්ක වූ පුද්ගලයා දිව ගොස් සැඟවන ආකාරයත් පෙනේ. හික්කඩුවේ සිට අම්මබන්ගොඩ දෙසට කුලී ඝාතකයින් පලා ගොස් ඇත.
වෙඩික්කරුවන්ගේ ඉලක්කය වී ඇත්තේ හික්කඩුවේම පදිංචි 45 හැවිරිදි ත්රී රෝද රථ රියදුරෙක් බව විමරශන අංශ කියයි. එම ස්ථානයේ තිබී ටී56 ජීව උණ්ඩයක්ද හමුවී ඇති අතර සිද්ධිය සම්බන්ධයෙන් හික්කඩුව පොලීසිය වැඩිදුර විමර්ශන පවත්වයි.
