ශ්රියානි විජේසිංහ –
-
ආහාර නිෂ්පාදන සමාගම්වල නියෝජිතයින් සෞඛ්ය අමාත්යංශයේ ආහාර පාලන කමිටුවේ අධ්යක්ෂ මණ්ඩලයේ… ඔවුන්ගේ බලපෑමට අමාත්යාංශයට යටත් වෙන්න වෙලා…
කුඩා දරුවන්, ගැබිනි සහ කිරිදෙන මව්වරුන් යොදා ගනිමින් ආහාර සම්බන්ධයෙන් සිදුකරන වෙළඳ දැන්වීම් සපුරා තහනම් කිරීමට වසර 2024දී තීරණය කරමින් නිකුත් කළ ගැසට්ටුව ආහාර නිෂ්පාදන සමාගම්වල ඉල්ලීම මත වසර 2025 ජනවාරි 01 වෙනිදා දක්වා කල් දැමීමට සෞඛ්ය අමාත්යංශයේ ආහාර පාලන ඒකකය කටයුුතු කළ බව අමාත්යංශ්ය අභ්යන්තර ආරංචි මාර්ග සඳහන් කරයි.
සමාගම් බොහෝමයක් මුද්රිත වෙළඳ දැන්වීම් සහ ලේබල තොග වශයෙන් නිපදවන බැවින් මෙම නීතිය ක්රියාත්මක කිරීමත් සමඟ ඔවුන් නිපදවා ඇති වෙළඳ දැන්විම් හා ලේබල විශාල වශයෙන් ඉවතලෑමට සිදුවන බවත් මේ හේතුවෙන් විශාල මුදලක් අපතේ යන බවත් පෙන්වා දීම සමඟ නිකුත් කළ ගැසට්ටුව ක්රියාත්මක කිරීම වසරකින් කල් දැමීමට අමාත්යංශ්ය තීරණය කළ බව එම ආරංචි මාර්ග වැඩිදුරටත් පවසා සිටියි.
එසේම සෞඛ්ය අමාත්යංශයේ ආහාර පාලන කමිටුවේ අධ්යක්ෂ මණ්ඩලය තුළ ආහාර නිෂ්පාදන සමාගම්වල නියෝජිතයින්ද සාමාජිකත්වය දරණ බැවින් ඔවුන්ගේ හඬට කන් දීමට අමාත්යංශය නිලධාරීන් සිදුව ඇති බවද එම ආරංචි මාර්ග වැඩි දුරටත් අවධාරණය කරයි.
සම බරව ඇත්ත කියන ලංකාසර පුවත් ඔබට සෑම විටෙක දැකීමට ඕනෑ නම් පහත අපේ වට්ස්ඇප් / ටෙලිග්රෑම් සමූහයන්ට එක්වෙන්න.
