-
ඔන්ලයින් අධ්‍යාපනයට යොමුකර දරුවන් ගැන පසුවිපරමක් නොකරන දෙමව්පියන් මේ ඛේදවාචකවල වගකීම භාර ගත යුතුයි… විනිසුරුවරිය විවෘත අධිකරණයේ දී කියයි!
14 හැවිරිදි පිරිමි ළමයෙකු තම 5 හැවිරිදි ඥාති සොහොයුරියට ලිංගික අතවර කළ බව අනාවරණය වීමෙන් පසු පරිවාස භාරයට පත් කර තිබේ.
කුලියාපිටිය මහේස්ත‍්‍රාත් ජනනී එස් විජේතුංග ගේ නියෝගයකට අනුව මෙම තරුණයා පරිවාස භාරයට පත් කර ඇත.
එම නියෝගය නිකුත් කරමින් මහේස්ත්‍රාත්වරයා කියා සිටියේ අන්තර්ජාලය ඔස්සේ අධ්‍යාපනයේ යෙදී සිටියදී දරුවන්ගේ ක්‍රියාකාරකම් නිරීක්ෂණය කිරීමට දෙමාපියන් අපොහොසත් වුවහොත් දරුවන්ගේ හැසිරීම් සම්බන්ධයෙන් වගකීම දෙමාපියන්ට පැවරීමට සිදුවන බවයි.
පසුගිය අගෝස්තු මාසයේදී, පවුල් ආරවුලක් හේතුවෙන් මෙම 14 හැවිරිදි ළමයා සහ ඔහුගේ බාල සහෝදරයා ඔවුන්ගේ නැන්දණියගේ නිවසට ගොස් ඇති බව වාර්තා වේ. එම නිවසේම පදිංචිව සිටි පස් හැවිරිදි දැරිය මෙම කාලය තුළදී මෙම පිරිමි ළමයා විසින් ලිංගික අපයෝජනයට ලක් කර තිබේ.
පසුගිය සඳුදා (15) පොලිසිය විසින් සටහන් කර ගත් ප්‍රකාශයකට අනුව අදාළ 14 හැවිරිදි ළමයා අධිකරණයට ඉදිරිපත් කර ඇත.
තම පාසලේ සාමාන්‍ය පෙළ පන්තියේ සිසුන් කිහිප දෙනෙකුගේ උපදෙස් මත තමන් youtube සහ වැඩිහිටියන්ට පමණක් සීමා වූ වෙනත් වෙබ් අඩවි නැරඹීම ආරම්භ කළ බවත්, කොරෝනා වසංගතය හේතුවෙන් පාසල් වසා දමා අන්තර්ජාලය ඔස්සේ අධ්‍යාපනය ආරම්භ කිරීමෙන් ඒ හැකියාව පහසු වී ඇති බවත් ඔහු හෙළිකර තිබිණි.
වැඩිහිටි වීඩියෝවල දක්නට ලැබෙන ක්‍රියාවන් තම මවගේ සහෝදරයාගේ දියණිය වන තම 5 හැවිරිදි ඥාති සොහොයුරියට අත්හදා බැලූ බව දරුවා ප්‍රකාශ කළ බව නව යොවුන් විය භාර පරිවාස නිලධාරියා අනාවරණය කර ඇත.
සම බරව ඇත්ත කියන ලංකාසර පුවත් ඔබට සෑම විටෙක දැකීමට ඕනෑ නම් පහත අපේ වට්ස්ඇප් / ටෙලිග්‍රෑම් සමූහයන්ට එක්වෙන්න.
අපයෝජනයට ලක් වූ දැරිය වෛද්‍ය පරීක්ෂණයක් සඳහා කුලියාපිටිය රෝහලට ඇතුළත් කර තිබේ