රැකියා විරහිත උපාධිධාරීන් ගුරුවරුන් ලෙස බඳවා ගැනීමේ තරග විභාගය පවතින තත්ත්වය තුළ හැකි ඉක්මනින් පවත්වන බව අධ්යාපන, උසස් අධ්යාපන හා වෘත්තීය අධ්යාපන අමාත්ය, අග්රාමාත්ය ආචාර්ය හරිනි අමරසූරිය පැවසුවාය.
මෙම බඳවා ගැනිම් පමා වීමට හේතුවක් වූයේ ශ්රේෂ්ඨාධිකරණයේ විභාග වෙමින් පැවති නඩු හරතක් සම්බන්ධ අධිකරණ ක්රියාවලිය බවත් දැනට අවසන් අදියරේ පවතින එම අධිකරණ කටයුතු අවසන් වූ වහා ම ගැසට් පත්රය නිකුත් කර උපාධිධාරින්ට ගුරු විභාගයට ඉල්ලුම් කිරීමට අවස්ථාව ලබාදීමට කටයුතු කරන බවත් අගමැතිනිය පැහැදිලි කළාය.
එසේ ම අවශ්ය කරන අනෙකුත් උපාධිධාරී බඳවාගැනීම් මේ වනවිට කැබිනට් අනුමැතිය ලැබී ඇති පරිදි ම සිදු කිරීමට අවශ්ය ක්රියාමාර්ග ගන්නා බවත් ඇය සඳහන් ප්රකාශ කරයි.
රැකියා විරහිත උපාධිධාරී ඒකාබද්ධ සංගමයේ නියෝජිතයන් සහ අධ්යාපන, උසස් අධ්යාපන හා වෘත්තීය අධ්යාපන අමාත්ය, අග්රාමාත්ය ආචාර්ය හරිනි අමරසූරිය අතර අධ්යාපන අමාත්යාංශයේ දී පැවති සාකච්ඡාවකදී අත්රාමාත්යවරිය මේ බව සඳහන් කළාය.
එසේ ම ගුරු විභාගයට ඉල්ලුම් කිරීමේ වයස් සීමා සංශෝධනයට ලක් කරමින් එම වයස් සීමාව දීර්ඝ කිරීමටත් දැනට පවත්නා සියලු ගුරු පුරප්පාඩු සඳහා කඩිනමින් බඳවාගැනීම් සිදු කිරීමටත් මෙහි දී එකඟත්වය පළ විය.
