ශ්රියානි විජේසිංහ –
රට තුළ ජලසම්පාදන ව්යාපෘති 343ක් පවතින අතර පසුගියදා ඇති වූ ආපදා තත්තවයන් හේතුවෙන් මෙම ව්යාපෘති 156ට බලපෑම් ඇති වූ බව ජාතික ජල සම්පාදන සහ ජලපවාහන මණ්ඩලයේ සභාපති චන්දන බණ්ඩාර සඳහන් කරයි.
මේ හේතුවෙන් දිස්ත්රික්ක 21ක ජල සම්පාදනයට දැඩි බලපෑම් එල්ල වූ බවත් මේ වන විට ඉන් දිස්ත්රික්ක 13ට නැවත ජලසම්පාදනය යථා තත්තවයට පත් කර ඇති බවත් සභාපතිවරයා පවසයි.
ජල සැපයුම යථා තත්තවයට පත් කලයුතු දිස්ත්රික්ක 8ක් ජල ව්යාපෘති 17ක් පවතින අතර ඉදිරි දින තුන තුළ එයද යථා තත්තවය පත් කළ හැකි වනු ඇති බව චන්දන බණ්ඩාර සිය විශ්වාසය පළ කරයි.
යථා තත්වයට පත් කිරීම ප්රමාද වී ඇත්තේ එම ප්රදේශයන්ගේ මාර්ග අවහිර වී ඇති බැවින් එම ප්රදේශයන්ට ළඟාවීමට නොහැකි වීම හා විදුලිබල නොමැති වීමට ගැටලුව මතයැයිද හෙතෙම පෙන්වාදේ.
ජලස්මපාදන මණ්ඩලයේ සේවකයින් පැය 24 පුරාම සේවයේ යෙදෙමින් මෙම බිදවැටීම් යථා තත්තවයට පත් කිරීමට දැඩි උත්සයක් ගන්නා බවත් එයට යුධහමුදාවේ ,පොලිසියේ සහ දිස්ත්රික් ප්රාදේශීය ලේකම්වරුන්ගේ සහය ද නොමදව ලැබෙන බවත් පැවසුවේය.
මේ වන විට ලබා දෙන ජලයේ පිිරිසිදුතාවය ගැන කිසිදු සැකයක් ඇති කර නොගන්නා ලෙසත් ජලය හොදින් පිරිසිදු කර ජනතාවට ලබා දීමට කටයුතු කරන බවත් සභාපතිවරයා අවධාරණය කරයි.
