-
අරක්කු විකුණන්න අවසර දෙනවා නම් වෙළෙඳසලක් අරින්න බැරි ඇයිද කියලා අහලා මිනිස්සු අපි එක්ක ගැටෙන්න එනවා.
-
සෞඛ්‍යසේවා අධ්‍යක්ෂවරයා කිසිදු අවසරයක් ලබා දී නොමැති පසුබිමක මත්පැන් අලෙවිසැල් විවෘත කළේ කාගේ වුමනාවකට කියලා ඇහුවට කියන්නෙත් නෑ..
-
මේ රාමුව ඇතුළෙ අවසාන ප්‍රතිඵලය 5වන කොවිඩ් රැල්ලක් එන එක…
දිවයිනපුරා මත්පැන් අලෙවිසැල් විවෘත කිරීම හේතුවෙන් තමන්ටද වෙළඳසැල විවෘත කිරීමට අවසර ලබාදෙන්නැයි ඉල්ලා දිවයින පුරා වෙළදසැල් හිමියන් දීගින් දිගටම මහජන සෞඛ්‍ය පරික්ෂකවරුන් සමග ගැටුම් ඇතිකර ගැනීමට පටන් ගෙන ඇතැයි මහජන සෞඛ්‍ය පරික්ෂකවරුන්ගේ සංගමය සඳහන් කරයි.
මත්පැන් අලෙවිසැල් විවෘත කිරිමට සෞඛ්‍යසේවා අධ්‍යක්ෂවරයා කිසිදු අවසරයක් ලබා දී නොමැති පසුබිමක මත්පැන් අලෙවිසැල් විවෘත කළේ කාගේ වුමනාවකට කාගේ අනුදැනුමක් මතද යන්න පිලිබඳව තම සංගමය නොදන්නා බවද සංගමයේ සභාපති උපුල් රෝහණ මහතා සදහන් කරයි.
නිරෝධායන ඇඳිරිනීතිය පැවැත්වෙන කාලයතුල මිනිසුන් මත්පැන් මිලදී ගැනීමට යැයි පවසමින් පාරේ ගමන් කරන බැවින් ඔවුන්ට විරුද්ධව කිසිදු පියවරක් ගැනීමට නොහැකි නමුත් කිසියම් භාණ්ඩයක් මිලදී ගැනීමට යැයි පවසමින් පාරේ ගමන් කරන පුද්ගලයින්ට විරුද්ධව කටයුතු කිරීමට අවසර තිබීමද පුදුමයට කරුණක් යැයි සභාපතිවරයා කියයි.
සම බරව ඇත්ත කියන ලංකාසර පුවත් ඔබට සෑම විටෙක දැකීමට ඕනෑ නම් පහත අපේ වට්ස්ඇප් / ටෙලිග්‍රෑම් සමූහයන්ට එක්වෙන්න.
මෙවැනි නීති රාමුවක් යටතේ රාජකාරී කිරීම ඉතාමත් අපහසු වී ඇතැයිද මෙහි අවසාන ප්‍රතිපලය ලෙස සිදුවිය හැක්කේ නැවත රටම වෙලා ගන්නා කොවිඩ් 5වන රැල්ලක් ඉතා ඉක්මනින්ම ඇතිවන බවක් යැයිද හෙතෙම අවධාරණය කරයි.