සුසන්ත අමරබන්දු –
පසුගියදා අම්පාර වලගම්පුර ප්‍රද්ශයෙ මිය ගිය කොරොනා ආසාදිත තරුණයාගේ මරණයට හේතුව ඉන්දියාවේ ව්‍යාප්ත වෙමින් පවතින කළු දිලීර රෝගය නොවනබව ඉතාම පැහැදිලිව තහවුරු වී ඇති බව අම්පාර මහ රෝහලේ වෛද්‍ය අධිකාරි උපුල් විජේනායක ප්‍රකාශ කළේය.
මෙම පුද්ගලයා මියගොස් ඇත්තේ ඉන්දියානු කළු දිලීරය ආසාදිතව බවට දිගින් දිගටම මාධ්‍ය ඔස්සේ ප්‍රචාරයවන නිසා තමන්ට මෙය පැහැදිලි කිරීමට සිදුවී ඇතැයි වෛද්‍යවරයා ලංකාසර ට පැවසුවේය.
වැඩිදුරටත් අදහස් දක්වමින් වෛද්‍ය උපුල් විජේනායක මෙසේ පවසා සිටියේය.
“මේ රෝගියා අම්පාර රෝහල ට ඇතුළත් කිරීමේදී ක්ෂය රෝගය වැළඳී දැඩිසේ උත්සන්න වෙලා හිටියා. ඒ කලක සිට රෝගියා ප්‍රතිකාර ලබා නොගැනීම නිසා. ප්‍රතිකාර සඳහා අම්පාර රෝහලට රැගෙන එන විටත් ඔහු සිහි නැතිවයි සිටියේ. එවිට එම රෝගීයා රැපිඩ් ඇන්ටිජන් පරික්ෂා කිරීමෙන් පසු ඔහු කොරෝනා ආසාදිත බවත් තහවුරු වූ උනා. “
“ඒ වනවිටත් ඔහුගේ මොළයට දිලීරයක් පැතිර ගිහින් තිබුණා. ඔහුට ඒ සඳහා අදාල ප්‍රතිකාර කළද තත්වය වඩා උත්සන්න වී මොළයට ඇතිවු හානියෙන් ඒ රෝගියා මිය ගියා. ඔහුගේ මරණයට හේතුව ඉන්දියාවේ ව්‍යාප්තවෙමින් ඇති කළු දලීර රෝගය නෙවෙයි.“
“ලංකාවේ දිලීර රෝග නිරන්තරයෙන් දක්නට ලැබෙනවා. ප්‍රතිශක්තිකරණය අඩු අයට දිලීර රෝගවලින් වැඩි හානියක් ඇති වෙනවා.“
“වසරකට මෙවැනි රෝගීන් තුන් හතර දෙනෙක් අපට අප රෝහලේ දි හමු වෙනවා. ක්ෂය රෝගය නිසා ඇතිවු දිලීර හේතුවෙන් මොළයට හානි සිදු වීම නිසා තමයි මේ මරණය සිද්ධවුනේ. මේ පිලිබඳ පරික්ෂා කළ අම්පාර මහ රෝහලේ ක්ෂුද්‍ර ජීවී විශේෂඥ වෛද්‍ය උපුල් ප්‍රියදර්ශන ඒ බව තහවුරු කළා.“
“මියගිය රෝගියාට කොවිඩ් වැළඳී තිබුණත් ඒ මරණයට හේතුව කොවිඩ් ආසාදිත වීම නොවෙයි. කලක සිට ක්ෂය රෝගය ඇතිවීම නිසා එම දිලීර මොළයට ආසාදනය වීමෙන් ඇතිවූ තත්ත්වයයි. ක්ෂය රෝගීන් ප්‍රතිකාර ලබා නොගැනීම තුළ මෙවැනි තත්ත්වයක් ඇතිවෙන්න පුළුවන්. සිරුර තුළ ප්‍රතිශක්තිය අඩු වීමෙන් තමයි දිලීරවලින් රෝගීන්ට දැඩි හානි සිදු වෙන්නේ.“
සම බරව ඇත්ත කියන ලංකාසර පුවත් ඔබට සෑම විටෙක දැකීමට ඕනෑ නම් පහත අපේ වට්ස්ඇප් / ටෙලිග්‍රෑම් සමූහයන්ට එක්වෙන්න.
වෛද්‍ය අධිකාරි උපුල් විජේනායක තහවුරු කළේය.