ලලිත් චාමින්ද –
ගාල්ල දඩැල්ල ප්රදේශයේදී අද පස්වරු 6.45,ට පමණ පුද්ගලයෙකු වෙඩි තබා ඝාතනය කොට ඇති අතර ඔහුගේ බිරිඳ ද වෙඩි වැදීමෙන් තුවාල ලබා කරාපිටිය රෝහලට ඇතුළත් කොට ඇති බැව් ගාල්ල පොලිසිය පවසයි.
මෙම අඹුසැමි යුවළ යතුරුපැදියකින් ගමන් කරමින් සිටියදී තවත් යතුරු පැදියකින් පැමිණි පුද්ගලයින් දෙදෙනෙකු විසින් මෙම වෙඩි තැබීම සිදුකොට ඇති බැව් පරීක්ෂණවලදී අනාවරණය වී ඇත.
වෙඩි වැදීමෙන් මිය ගොස් ඇත්තේ පැතුම් වර්ණ සූරිය නමැති තිස් අට හැවිරිදි වියේ පසුවන ගාල්ල පියදිගම ප්රදේශයේ පදිංචි මාළු ව්යාපාරිකයෙකි..
වෙඩි වැදීමෙන් තුවාල ලැබූ මොහුගේ බිරිය තිස් අට හැවිදි වියේ පසු වන්නීය. වෙඩි වැදුන පුද්ගලයා කරාපිටිය රෝහලට ඇතුළත් කරන විටත් මියගොස් සිටි අතර බිරිය වෙඩි වැදීමෙන් සුළු තුවාල ලබා ඇත.
සිද්ධිය වූ ස්ථානයේ තිබී හිස් උණ්ඩ කිහිපයක්ද හමුවී ඇත..මෙකී ඝාතනයට සම්බන්ධ සැකකරුවන් අත්අඩංගුවට ගැනීම විශේෂ පොලිස් මෙහෙයුමක් ක්රියාත්මක කොට ඇත.
