හැටන් රංජිත් රාජපක්ෂ –
රු.කෝටි 50ක වටිනාකමකින් යුත් බව පවසමින් බලපත්රයක් නොමැතිව මැණික් ගලක් අලෙවි කිරිමට පැමිණි කුණ්ඩසාලේ ප්රාදේශීය සභාවේ සජබ මන්ත්රීවරයෙකු ඇතුලු තිදෙනෙකු නුවරඑලිය පොලිසියේ දූෂණ මර්ධන ඒකකයේ නිළධාරින් විසින් සැකපිට අත්අඩංගුවට ගෙන ඇත.
එම මැණික් ගල මිලදී ගන්නා අයට වාසනාව උදාවන බව පවසමින් සැකකරුවන් තිදෙනා නුවරඑලිය ලබු කැලේ ප්රදේශයට පැමිණ නවාතැන්පලක රැදී සිටින බවට නුවරඑලිය පොලිසියේ දූෂණ මර්ධන ඒකකයේ නිළධාරින්ට ලද තොරතුරක් මත උපාය දුතයෙකු යොදා ගනිමින් මැණික් ගල මිලදි ගැනීමට සැකකරුවන් හා ගණුදෙනු කතා කිරිමේදි රු.කෝටි 50කට අලෙවි කරන බව පැවසූ මැණික් ගල කේවල් කිරිම හමුවේ රු.ලක්ෂ 10ක මුදලකට ලබා දීමට සැකකරුවන් එකග වී ඇත.
මඩවල සහ වත්තේගම ප්රදේශයේ පදිංචි අවුරුදු (40-50) වන වයස් කාණ්ඩවල පසුවන සැකකරුවන් අත්අඩංගුවට ගැනීමෙන් අනතුරුව සැකකරුවන් සන්තකයේ තිබි පොලිස් භාරයට ගත් මැණික් ගල ව්යාජ එකක්ද නැතිනම් හොඳ වර්ගයේ මැණික් ගලක්ද යන බව ජාතික මැණික් සහ ස්වර්ණාභරණ අධිකාරියෙන් වාර්ථාවක් ලබා ගැනීමටද නුවරඑලිය පොලිසියේ දූෂණ මර්ධන ඒකකයේ නිළධාරින් පියවර ගෙන ඇත.
මැණික් ගල් විකිණීම සදහා ජාතික මැණික් සහ ස්වර්ණාභරණ අධිකාරියෙන් නිසි අවසර පත්රයක් ලබා ගත යුතු අතර, සැකකරුවන් සතුව එය නොතිබූ නිසා සැකකරුවන් තිදෙනා නුවරඑලිය මහේස්ත්රාත් අධිකරණවෙත ඉදිරිපත් කරන බව නුවරඑලිය පොලිසියේ දූෂණ මර්ධන ඒකකයේ නිළධාරී කීහ.
නුවරඑලිය කොට්ඨාසභාර ජේෂ්ඨ පොලිස් අධිකාරි අනුරුද්ධ හක්මණ, නුවරඑලිය මුලස්ථාන පොලිසියේ ස්ථානාධිපති ප්රධාන පොලිස් පරික්ෂක ප්රේමලාල් හෙට්ටිආරච්චි ගේ උපදෙස් පරිදි නුවරඑලිය පොලිසියේ දුෂණ මර්ධන ඒකකයේ ස්ථානාධිපති ඒ.එම්.එස්.පී. අත්තනායක සැකකරුවන් අත්අඩංගුවට ගෙන ඉදිරි විමර්ශන කටයුතු සිදු කරයි.
