මනම්පිටිය නිමල් ජයරත්න –
මේ දිනවල ඇදහැලෙන ධාරානිපාත වර්ෂාවට හා පැවති ගංවතුර තත්ත්වයට පොළොන්නරුව ඇතුළු මහවැලි බි කලාපයේ ගොවීන්ගේ පීදෙමින් පවතින කුඹුරු බිම් විශාල ප්රමාණයක් විනාශ ඇති බැවින්, ඒ පිළිබඳව රජයේ අවධාන යොමු කර ගොවීන්ට සාධාරණ වන්දි මුදලක් හෝ ඔවුන් ශක්තිමත් කරවනා නිසි වැඩපිළිවෙළක් ක්රියාත්මක කරන ලෙස තමන් ජනාධිපතිතුමාගෙන්, කෘෂිකර්ම අමාත්යවරයා ඇතුළු වත්මන් රජයෙන් ඉල්ලීමක් කරන බව ඓතිහාසික දිඹුලාගල ආරණ්ය සේනාසනාධිපති දිඹුලාගල රාහුලාලංකාර නාහිමියෝ පැවසුහ.
රටටම බත සපයන පොළොන්නරුවේ ගොවීන් වන අලින්ගෙන් පීඩා විඳිමින් රැකගත් පීදුණු ගොයම දින හයක් පුරා ගංවතුරට හා වර්ෂාවට හසුවීම නිසා සිදුවී ඇති ව්යසනය මතුපිටින් පෙනනාවට වඩා ගැඹුරු සමාජ ආර්ථිකය ව්යසනයක් බව නාහිමියෝ පෙන්වා දුන්හ.
ඓතිහාසික දිඹුලාගල ආරණ්ය සේනාසනයේදී අද 22 සවස මාධ්ය සාකච්ඡාවක් කැඳවමින් රාහුලාලංකාර නාහිමියන් එලෙස සඳහන් කලහ.
රජය යුද හමුදාව මැදිහත් කර ගනිමින් වී මිලදි ගැනීමේ වැඩපිළිවෙළ ක්රියාත්මක කිරීම පිළිබඳව අගය කරන බවත්, ගොවීන් වෙනුවෙන් එදා හඬක් නැගූ තමන් මෙවරද ගොවීන් වෙනුවෙන් පෙනී සිටිමින් පීඩාවට පත්ව සිටින ගොවීන්ට යම් සාධාරණයක් ඉටු කිරීම සම්බන්ධව මැදිහත්වන බවත් දිඹුලාගල නාහිමියෝ සඳහන් කළහ.
පළාතේ වෙහෙර විහාරස්ථානත්, මහා සංඝරත්නයත් ආරක්ෂා වෙන්නේ ගොවියා ආරක්ෂා වුවහොත් පමණක් බව උන්වහන්සේ පැවසුහ.
