රටේ ඕනෑම අපරාධකරුවෙක්, සැකක කරුවෙක් සම්බන්ධව මිනිත්තු දෙක්ක තුළ පූර්ණ දත්ත විස්තරයක් ලබා දිය හැකි ආකාරයට අපරාධ පරීක්ෂණ දෙපාර්තමේන්තුව තාක්ෂණිකව දියුණු වී ඇති ආකාරය පොලිස් මාධ්ය ප්රකාශක සහකාර පොලිස් අධිකාරී එෆ්.යු. වුට්ලර් මාධ්ය හමුවේ ප්රකාශ කළේය.
ඔහු මේ වනවිට පොලිසියේ අපරාධ පරීක්ෂණ අංශ දියුණු වී ඇති ආකාරය සම්බන්ධ එක් පද්ධතියක් ගෙනහැර දක්වමින් කරුණු දැක්වූයේ මෙසේය.
අපරාධකරුවන් සම්බන්ධව දත්ත ගොනු කර සමහර පද්ධති හඳුන්වා දී තිබෙනවා මම එකකින් පටන් ගන්නම්. ඒ තමයි AMIS. ඒ කියන්නේ Arrested Monitoring Investigation System.
ඒ කියන්නේ අත් අඩංගුවට ගත් අය පිළිබඳ අධීක්ෂණ සහ විමර්ශන පද්ධතිය. රට තුළ තිබෙන පරිපාලන දිස්ත්රික්ක 25 තුළ පුද්ගලයෙකු අත්අඩංගුවට ගනු ලැබුවහොත්, ඔහු හෝ ඇය ගැන දත්ත මිනිත්තු කිහිපයක් ඇතුළත අපරාධ වාර්තා අංශයට එම දත්ත ඇතුළත් කරනවා. ඒ කියන්නේ ඔහු හෝ ඇයගේ දත්ත පද්ධතිකරණය කරනවා. ඩිජිටල්කරණය කරනවා. ඒ තරම් දුරට මේ දත්ත පද්ධතිය ගොඩනගලා තියනවා.
අපි හිතමු X කියන පුද්ගලයා යාපනේ දී අත් අඩංගුවට ගන්නවා. යාපනයේ දී අත් අඩංගුවට ගත්තු X වරක් හෝ අපරාධයක් සම්බන්ධව සැකකරුවෙක් ලෙස හෝ වාර්තා වී ඇත්නම් ඔහු ගැන සියලුම දත්ත AMIS පද්ධතියට යනවා.
මේ දත්ත ගොනුව එක්ක විනාඩි දෙකක් යන විට කියන්න පුලුවන් ඔහු අවශ්ය අපරාධකාරයෙක් ද, නැතිනම් ඔහු ලියාපදිංචි අපරාධකරුවෙක් ලෙස සැලකෙන පුද්ගලයෙක් ද, නැතිනම් එම පුද්ගලයාට අධිකරණ වරෙන්තුවක් තියනව ද, නැත හොත් ඔහු මින් පෙර අපරාධ ජාලාවකට සම්බන්ධයි ද කියලා.
ඔබ තේරුම් ගන්න ඕන දෙයක් තියනවා. දැන් දේවල් ඉතාම ප්රමිති ගතව නවීකරණය වෙලා තිබෙන්නේ. මිනිත්තු කිහිපයක් ඇතුළත, හොංකොං පොලිසිය ඉදිරිපිට සිටින පුද්ගලයා හෝ කාන්තාව රටට අවශ්ය සැකකරුවෙක් ද, අපරාධකරුවෙක් ද යන්, ඔහුට හෝ ඇයට වරෙන්තු තිබේ ද යන්න හොංකොං පොලිසියට විනාඩි දෙකක් තුළ දැනගත හැකියි.
,එබැවින් මෙම ක්රමයට අපි අපගේ පොලිස්පතිවරයාට ස්තූති කළ යුතුය. ඔහු මෙම කරුණු සම්බන්ධයෙන් ඉතා, ඉතා සහයෝගීව, ඉතා උපදේශාත්මකව කටයුතු කර කළා. මොකද ඉතාම වැදගත් තීරණාත්මක ස්ථානය මෙතැන නිසා…” පොලිස් මාධ්ය ප්රකාශකරවයා කීවේය.
