-ලංකාදීප-
කොවිඩ් මර්දන එන්නත්කරණ වැඩසටහනක දී මොරටුව නගරාධිපතිවරයා හැසිරුණු ආකාරය ඉතා කැත දර්ශනයක් බවත්, එයින් මුළු වැඩසටහනම විනාශ වූ බවත් ජනාධිපති ගෝඨාභය රාජපක්ෂ පැවසීය. එවැනි දේ සිදුවීමට ඉඩ නොතැබිය යුතු බව ද ජනාධිපතිවරයා සඳහන් කරයි.
ජනාධිපති ගෝඨාභය රාජපක්ෂ මේ බව පැවසුවේ ජනාධිපති කාර්යාලයේදී අද (28) රැස්වූ කොවිඩ් මර්දන විශේෂ කමිටුව අමතමිනි.
කොවිඩ් මර්දන එන්නත් ලබාදීමට ප්‍රදේශ තෝරාගෙන ඇත්තේ විද්‍යානුකූල පදනමක් යටතේ බව කී ජනාධිපතිවරයා කොරෝනා ආසාදිතයින් වාර්තාවීම පිළිබඳ දත්ත අනුව සෞඛ්‍ය අංශවල ද සහයෝගයෙන් එම ප්‍රදේශ තෝරාගෙන ඇති බවත්, දිස්ත්‍රික්කවල ද එන්නත් ලබාදෙන්නේ අවශ්‍යම ප්‍රදේශවලට බවත් ප්‍රකාශ කළේය.
අමාත්‍ය නාමල් රාජපක්ෂ මෙහිදී අදහස් දක්වමින් පැවසුවේ මොරටුවේදී ඇති වූ සිද්ධිය අහඹු ලෙස වූ දෙයක් බවයි.
සම බරව ඇත්ත කියන ලංකාසර පුවත් ඔබට සෑම විටෙක දැකීමට ඕනෑ නම් පහත අපේ වට්ස්ඇප් / ටෙලිග්‍රෑම් සමූහයන්ට එක්වෙන්න.
එහිදී ජනාධිපතිවරයා පැවසුවේ “ඔව් මම දන්නවා. හැමතැනම හොඳට වුණා. ඒත් එක තැනක එහෙම කළාම ඒක තමයි මාධ්‍යවලයි හැමතැනම යන්නේ,” යනුවෙනි.