හිටපු ජනාධිපති මෛත්රීපාල සිරිසේන කැබිනට් මණ්ඩලයට ඇතුළත්කර නොගන්නා බව අගමැති මහින්ද රාජපක්ෂ පසුගිය දා ප්රකාශ කර ඇත.
ඒ වෙනුවට හිටපු ජනාධිපතිවරයා වෙත වෙනත් තනතුරක් ලබා දීමට අගමැතිවරයා එකඟතාවය පලකළ බව ශ්රී ලංකා නිදහස් පක්ෂයේ මහ ලේකම් රාජ්ය ඇමති දයාසිරි ජයසේකර අද (01) කොළඹ දී පැවති මාධ්ය හමුවක දී අනාවරණය කළේය.
ආණ්ඩුවේ තනතුරක් ලබා දෙන ලෙස හිටපු ජනාධිපතිවරයා කිසිවිටෙකත් ඉල්ලුම් කර නැති බව පැවසූ දයාසිරි ජයසේකර නිසි වෙලාවට අදාල තනතුර ලබා දීමේ පොරොන්දුව ඉටුවනු ඇතැයි තමා විශ්වාස කරන බව ද පැවසීය.