බ්‍රිතාන්‍යයේ සහ දකුණු අප්‍රිකාවේ ප්‍රථම වරට හඳුනාගත් කොරොන වයිරසයේ නව ප්‍රභේද මෙන්ම අමෙරිකාවේ ආරම්භ වූ බව පෙනෙන නව ප්‍රභේද 7ක් විද්‍යාඥයින් විසින් හදුනාගෙන තිබේ. එම වෛරස ප්‍රභේදයන්ගෙන් බොහොමයක් එකම ආකාරයේ වේගයෙන් ව්‍යාප්ත විය හැකි අවදානම දරන බව එරට වාර්තා අනාවරණය කරයි.
අධ්‍යයනයක් මගින් පර්යේෂකයන් කණ්ඩායමක් රට පුරා ප්‍රාන්තවල දක්නට ලැබෙන කොරෝනා වයිරසයේ පරම්පරා හතක් පිළිබද වාර්තා කර ඇත. එම සියලුම වෛරස් ප්‍රභේද පුද්ගල ජානවල එකම ස්ථානයක පිහිටා තිබීම විශේෂත්වයකි.
ලුසියානා ප්‍රාන්ත විශ්ව විද්‍යාල සෞඛ්‍ය විද්‍යා මධ්‍යස්ථානයේ වෛරස් විද්‍යාඥයෙක් සහ මෙම අධ්‍යයනයේ සම කර්තෘ ජෙරමි කමිල් පැවසුවේ “මෙම විකෘතීන් මගින් පෙනීයන්නේ පැහැදිලිවම යමක් සිදුවෙමින් පවතින බවයි”.
මෙම විකෘතීන් මගින් ප්‍රභේද වැඩි වශයෙන් බෝවන සුළුද යන්න තවමත් පැහැදිලි නැති නමුත් එම වෛරසය ජාන තුළ දක්නට හැකි බැවින් ඒවා මිනිස් සෛල තුළට ඇතුළු වන ආකාරය දැඩි සැකයක් විද්‍යාඥයන්ට මතුවී තිබේ.
“පෙනී යන ඇතැම් කරුණුවලින් මෙය පරිණාමීය වෙනසකට බලපෑම් කරන්නක් බවට නම් පැහැදිලියි” වෛද්‍ය කමිල් පැවසීය.
විවිධ ප්‍රවේණි පරම්පරාවන් එකම දිශාවකට ස්වාධීනව පරිණාමය වීම අසාමාන්‍ය දෙයක් නොවේ. චාල්ස් ඩාවින් සතුන්ගේ අභිසාරී පරිණාමය ද එලෙස හඳුනා ගත්තේය. වෛරස් විද්‍යාඥයින් සොයාගෙන ඇත්තේ එය වෛරස් සමඟ ද සිදුවන බවයි. කොරෝනා වයිරසය නව ප්‍රභේදවලට සම්බන්ධ වන විට, පර්යේෂකයන් සෑම දිනකම ඩාවින්ගේ පරිණාමය පිළිබඳ න්‍යාය නිරීක්ෂණය කරමින් සිටී.
එක්සත් ජනපදයේ නව ප්‍රභේදයන් කොතරම් ව්‍යාප්ත වී ඇත්ද යන්න පිළිබඳ සිතීමට පවා අපහසුය, මන්දයත් රටෙහි ජානමය අනුපිළිවෙල කොරෝනා වයිරස් පරීක්ෂණ සාම්පලවලින් සියයට 1 කටත් වඩා අඩු ප්‍රමාණයකි. පර්යේෂකයන් රට පුරා විසිරී ඇති උදාහරණ සොයා ගත් නමුත් ඒවා මුලින්ම ඇති වූයේ කොතැනින්දැයි ඔවුන්ට කිව නොහැක.
වෛරසයේ නව ප්‍රභේද වඩාත් ව්‍යාප්ත වී ඇත්තේ නිවාඩු දින චාරිකා හෝ වැඩි වශයෙන් ව්‍යාප්ත විය හැකි හමුවීම්, අවස්ථා, සිදුවීම් වැනි වෙනත් හේතුවක් නිසාද යන්න කීමටද පර්යේෂකයන්ට අපහසු වී තිබේ.
විද්‍යාඥයන් පවසන්නේ වෛරස් විකෘතීන් මිනිස් සෛල තුළට කොතරම් පහසුවෙන් ඇතුල් විය හැකිද යන්න ද විකෘතියට බලපාන බවයි. නමුත් අධ්‍යයනයට සම්බන්ධ නොවූ ඔස්ටින්හි ටෙක්සාස් විශ්ව විද්‍යාලයේ ව්‍යුහාත්මක ජීව විද්‍යාඥ ජේසන් මැක්ලෙලන්, කොරෝනා වයිරසය මුදා හරින ආකාරය තවමත් තරමක් අද්භූත බව අනතුරු ඇඟවීය.
සම බරව ඇත්ත කියන ලංකාසර පුවත් ඔබට සෑම විටෙක දැකීමට ඕනෑ නම් පහත අපේ වට්ස්ඇප් / ටෙලිග්‍රෑම් සමූහයන්ට එක්වෙන්න.
“මෙම විකෘතීන් කරන්නේ කුමක්දැයි දැන ගැනීම සැබැවින්ම දුෂ්කර ය,” ඔහු විකෘති ගැන එසේ පැවසීය.