T Shirts අඳින්නේ දැනගෙන ද..?

ගෑනු ළමයාට  කියන සමාන පදයක්… Fashion

මං  වැරදි නෑනේ. ගෑනු ළමයකුට Fashion කියන දේ කොයි තරම් සමීපද. කෙල්ලෝ රොත්තක් එකතු වුණාම කියවන්නෙම Fashion ගැන. ඔබ කරන තව දෙයක් මම කියන්නද..

නොගැළපෙන විකාර Fashion කරන කෙල්ලන්ට හිනා වෙන එක.!!!!

මං වැරදිද.. ක්ලාස් එකේ, ඉන්ස්ටිටියුට් එකේ, කැම්පස් එකේ, ඔෆිස් එකේ විතරක් නෙවෙයි බස් එකේ යද්දී පවා ඔබට දැක්ක ගමන් හිනා යන විලාසිතාකාරියෝ නැද්ද..?

ටිකක් බය හිතෙන දෙයක් කියන්නද!!!

නොහිතුවට ඔයත් කෙල්ලන්ගේ හිනාවට ලක් වෙනවා ඇති. හරි හරි… කලබල වෙන්න එපා. වැරදි තියනවා නම් කරන්න ඕනේ හදාගන්න එක. බලන්න ඔබත් මේ නොගැළපෙන වැඩ කරන කෙල්ලක්ද කියලා.

දැන් මෙහෙම හිතන්න. අපි කාගෙත් සාමාන්‍ය ඇඳුම ඩෙනිමයි ටී ෂර්ට් එකයි. වැඩිය ලොකු stylish look එකක් එන්නෙත් නෑනේ. හැබැයි ඔය ටී ෂර්ට් වල ගහලා තියන නානාප්‍රකාර වදන් ගැන ඔබ හිතනවද… “හානේ රෝස පාටයි.. මම ආසම මෙරූන් පාට.. මම අඳින්නේ බ්ලැක් විතරයි” කියලා ගෙනාවට   ලියලා තියන දේවලුත් කියවන්න.

“අංගොඩ හිඹුටාන.. මොරටුව අඟුලාන” කියලත් දැන් ටි ෂර්ට් වල ගහලා තියෙනවා. ඉතින් වෛද්‍ය සිසුවියක් ඕක ඇඳන් පාරක ගියොත් දොස්තර කෙසේ වෙතත් කොන්දොස්තර පාටක් ඒවි.

අනවශ්‍ය තැන්වල click me කියලා ලියපු ටි ෂර්ට් එකක් ඇඳන් ගිහින් කාන්තා හිංසනයට විරුද්ධව බස්වල කෑගහලා වැඩක් නැහැ. සමහර විට ඔබට තට්ටු දාන්න ආව කෙනා ඔබ ලිඛිතව ඉල්ලලා තියන  දේ කළා වෙන්නත් ඇති.

තව දෙයක්, සමහර ටි ෂර්ට්ස් තියෙනවා අපි නොදන්නා භාෂාවකින් වචන ප්‍රින්ට් වෙලා තියන. ෆුල් මාවලස් කියලා හිතාගෙන ඕවා ඇන්දට ඒ වචනේ ඇත්තම තේරුම ඔබ දන්නවද?“ මගේ කසින් ඉටැලි වලින් එව්වේ “ කියලා තමයි අඳින්නේ, බ්‍රෑන්ඩඩ් කියලා පොඩි අහංකාරකමකුත් එක්ක. ඒත් ඔහොම අඳිනකොට නොහිතන දේවල් වෙනවා.

“මගෙ මිතුරෙකුගේ   ඔෆිස් එකට ගෑනු ළමයෙක් වෙනදට වඩා හැඩ වැඩ වෙලා අලුත් පන්නේ ටි ෂර්ට් එකක් ඇඳන් ඇවිත් තිබුණා. ඇත්තටම ලස්සන මේ ගෑනු දරුවාට මේ ටී ෂර්ට් එක ගෙනත් දීලා තියෙන්නෙ ස්පාඤ්ඤයේ සවාරියක් ගිය පෙම්වතා. කෙල්ල හරි අඩම්බරෙන් මේ වග  කියලා තිබුණා. හැබැයි වට වෙලා හැඩ බලපු කවුරුත් නොදන්නා රහසක් මගේ මිත්‍රයා රහසේම අර ගෑනු ළමයට කියලා තිබුණා.

“මෝඩියේ. ඔය වචනේ තේරුම ස්පැනිෂ් වලින් ගත්තම prostitute. තමුන් එහෙමද”

ඊට පස්සේ  දඩිබිඩියේ ඇඳුම මාරු කර ගැනීම වෙනම කතාවක්. හැබැයි ඔෆිස් එකට එන අතරමඟ ස්පාඤ්ඤ භාෂාව දන්නා කී දෙනෙක් මේ කෙල්ල දිහා නක්කලේට බලන්න ඇද්ද..

ඒ නිසා මෙහෙම ඇඳුම් අඳිනකොට ටිකක් හිතලා මතලා අඳින්න.  Im princess වගේ එකක් ඇඳල යද්දී ඔබ ඒ ඇඳුම හිතලා බලල තෝරා ගත්තු විත්තිය ඕනේ කෙනෙක්ට හිතේවි.

ප්‍රින්ටඩ් ටී ෂර්ට් අඳින්න ඇත්තටම ආස නම් දන්නා වචන තියෙන ඒවා අඳින්න. ෆොටෝ එකක් ප්‍රින්ට් වෙලා නම් ඒකත් හිතලා මතලා තෝරා ගන්න. මොකද සනි ලියෝන්ගේ ඉඳල ශිවන්‍යා වෙනකම් කට්ටිය දැන් ගෑනු ළමයිගේ ටී ෂර්ට් ඉස්සරහා දත් සෙට් එක පෙන්නගෙන ඉන්නවා. මේවා අඳින්න කලින් ඔබේ ප්‍රතිරූපයට වෙන දේ ගැන දෙපාරක් නෙවේ,  තුන් පාරක්ම හිතන්න.

අනික තමයි තමන්ට ගැළපෙන වර්ණය තෝරා ගන්න. කිසිම විදියකට නොගැළපෙන පාට අඳින්න එපා. හරි කැතයි.

තව දෙයක්. ඔබ වැඩිය පැහැපත් නැත්නම් ටිකක් ලා වර්ණ තෝරා ගන්න. අනික තැනට ගැළපෙන පාට අඳින්න. තද රතු ඇඳන් පන්සල් යන්න එපා.

Fashion කියන්නෙ කලාවක්.  කලාවකින් කරන්නෙ උච්තම දේ උචිත විදිහට ගලපගෙන  අපූර්වත්වයක් මතු කිරීම. සංයමයකින් කල්පනාවෙන්  සිදුකළයුතු ඒ ගලපා ගැනීම් වෙනස් උනොත් එතන කලාවක් නෑ. තියෙන්නෙ විකෘතියක්.

Fashion කරන්න ගිහින් වරදින හැම පුංචි තැනකදීම පවා අපිව සමාජයට විහිලුවක් වෙන්නෙ ඒ නිසා.

ඒ නිසා, පරෙස්සමෙන්.

ඉස්සරහට අපි මේ ගැන තවත් කතා කරමු.

සම බරව ඇත්ත කියන ලංකාසර පුවත් ඔබට සෑම විටෙක දැකීමට ඕනෑ නම් පහත අපේ වට්ස්ඇප් / ටෙලිග්‍රෑම් සමූහයන්ට එක්වෙන්න.

– පවීටා –