මරණ දඬුවම හා එල්ලුම් ගහ ගැන කතා විටින් විට අලුත්වේ. පසුගිය කාලයේ එල්ලුම් ගහ ගැන විවිධ කතා කෙරිණි. එල්ලුම් ගහට මුලින්ම යවන්නේ කවුදැයි යන මාතෘකාවේ සිට කඹය දක්වාම කතා කෙරිණි. වෙනත් වෙනත් මාතෘකා දවසින් දවස එන විට එල්ලුම් ගහ ගැන කෙරුණ කතා බහ යට ගැහිනි.
දැන් යළිත් එල්ලුම් ගහ ගැන නොව මරණ දඩුවම ගැන කතා කතා කරන්නට පටන් ගෙන ඇත. ඒ කතා කරන්නේද මරණීය දණ්ඩනය ගැන නොව මරණීය දණ්ඩනයට නියම වූ අයෙකු පාර්ලිමේන්තුවේ මන්ත්‍රී වරයෙක් වශයෙන් දිවුරුම් දීම ගැනය.
මේ මාතෘකාව මතු වී ආයේ මෙවර මහ මැතිවරණයෙන් රත්නපුර දිස්ත්‍රික්කයේ දෙවැනියට වැඩියෙන්ම මනාප ලබා පාර්ලිමේනතුවට තේරී පත් වූ ප්‍රේමලාල් ජයසේකර පසුගියදා පාර්ලිමේන්තුවේ දී දිවුරුම් දීමත් සමඟය.
සාමාන්‍යයෙන් නම් මරණ දඩුවම නියම වූවන් සිටින්නේ වැලිකඩ බන්ධනාගාරයේ චැපල් වාට්ටුවේය. එල්ලුම් ගහ ඇත්තේ C 3 ය.
මරණිය දණ්ඩනය නියම වුවන්ට හිරගෙදර ඇත්තේ නොම්බරයක් පමණි. කලක් තිස්සේ බන්ධනාගාර ගතව සිටින මරණ දඩුවම නියම වී සිටින රැඳවියෝ බොහෝ පිරිසක් ඒ වාට්ටු සංකිර්ණයේ සිටිති. ඔවුන්ට හෙටක් නැත. තමන්ගේ අඹුදරුවන් ගැන සිතමින් කොයි මොහොතේ එල්ලා මරාවිදැයි සිතමින් දවස ගෙවති.
“ ජීවත් වෙනවට වඩා හොදයි මැරෙන එක“
එල්ලුම් ගහට නියම වූ විට…
මරණ දඩුවම ලැබු ඇතැමෙක් අභියාචනා අධිකරණයෙන් පවා එම තීන්දුවම ලැබු අයය. මේ අතර ඇතැමෙක්ගේ අභියාචනය තවමත් විභාග වේ. එය එසේ විභාග වන නිසා ඔවුන් රස්සාවට යන්නේ නැත. ගෙවල් දොරවල්වලට ගිහින් එන්නේ නැත. රටේ ව්‍යවහාර නීතිය එය ය.
- එල්ලුම් ගහට නියම වූණ කෙනාට කිසිම දෙයක අයිතියක් නැහැ. උසාවියෙන් දඬුවම නියම කරලා හිර ගෙදරට ඒ පුද්ගලයාව එව්වාට පස්සේ ඔහුට ඔහුගේ නමවත් හිමි නෑ.
- ඔහු හිරගෙදර දි හඳුනා ගන්නේ නමින් නෙමෙයි නොම්බරයෙන්.
- ඔහුට ඔහුගේ මගුල් මුද්දවත් අතේ පලඳින්න බැහැ.
- දවසකට විනාඩි ගණනකට විතරයි එළියට එන්න පුළුවන්. පවුල් හමුවකදි සිංහල අවුරුදු දා වෙසක් උත්සව ආදි විශේෂ අවස්ථාවක දි සමීපම ඥාතින්ට සිරකරු දකින්නට පුළුවන්.
- කෑම ගෙනැත් දෙන්න බෑ . සබන් ආදිය ගෙනැත් දෙන්න පුළුවන්.
- මරණීය දණ්ඩනය නියම වූ සිරකරුවන්ට කෑම දෙන පිළිවෙල පවා බන්ධනාගාර නිත්‍ය නියෝග සංග්‍රහයේ සඳහන් වෙනවා. මරණීය දණ්ඩනය නියම වූ අනෙක් සිරකුරුවන්ට ඇති අයිතියවත් නැහැ.
- මරණ දඩුවම නියම වී පැමිණි සිරකරුවා අයිති බන්ධනාගාරයට. ඔහුගේ දුක සැප ඔහුගේ අවශ්‍යතා පිළිබඳ සොයන්නේ බන්ධනාගාරය ය.
- යම් අයකු මරණ දඬුවම නියම වී පැමිණියාම ඔහු වෙනුවෙන් අභියාචනයක් ඉදිරිපත් කරනවා. ඒ අභියාචනය බන්ධනාගාරය විසින්ම කරන කටයුත්තක්.
මරණ දණ්ඩනය නියම වූ පුද්ගලයෙකුට අභියාචනයක් ඉදිරිපත් කිරීම අමුතු සුකුරුත්තමක් නොවේ. නීතිපති තුමා කීවේ ඒ කතාවය.
සම බරව ඇත්ත කියන ලංකාසර පුවත් ඔබට සෑම විටෙක දැකීමට ඕනෑ නම් පහත අපේ වට්ස්ඇප් / ටෙලිග්‍රෑම් සමූහයන්ට එක්වෙන්න.
මේ නිතීය ගැන විවිධ තර්ක විතර්ක මතුකර දක්වන්නට නිතීය ගැන ප්‍රමාණිකයෝ එක් වී සිටිති. එහෙත් ක්ෂේත්‍රයේ ප්‍රවීණයන් සිදුවෙමින් ඇති දේ දෙස බලා සිටින්නේ උකටීලවය.