මනම්පිටිය නිමල් ජයරත්න –
විපක්ෂ නායක සජිත් ප්රේමදාස අද ( 30 ) සවස ඓතිහාසික දිඹුලාගල ආරණ්ය සේනාසනය වැඳ පුදා ගෙන, දිඹුලාගල ආරණ්ය සේනාසනාධිපති දිඹුලාගල රාහුලාලංකාර නාහිමියන් බැහැදකිමින් ආශිර්වාද ලබා ගත්තේය.
සමගි ජන බලවේගයේ පොළොන්නරුව දිස්ත්රික් පාර්ලිමේන්තු මන්ත්රී කින්ස් නෙල්සන් ද මෙම අවස්ථාවට එක්ව සිටියේය.
මෙහිදී ඓතිහාසික දිඹුලාගල ආරණ්ය සේනාසනාධිපති දිඹුලාගල රාහුලාලංකාර නාහිමියන් සජිත් ප්රේමදාස සමග කතාබහ කරමින් සඳහන් කළේ, පක්ෂ විපක්ෂ සියලු මන්ත්රීවරුන් මෙන්ම මැති ඇමතිවරුන් එක්ව ඓතිහාසික දිඹුලාගල ආරණ්ය සේනාසනය ගොඩනැගීමට දායකත්වය ලබාදිය යුතු බවය.
අපවත් වී වදාළ මාතර කිතලගම ශ්රී සිීලාලංකාර නාහිමියන් වැඩවසන සමයේ එදා පැවැති රජය දිඹුලාගල ගොඩනැගීමට සුවිශාල දායකත්වයක් ලබාදුන් බවත්, උන්වහන්සේ කරගෙන ආ ආගමික, ශාසනික, ජාතික, මෙහෙවර ඉදිරියටත් සිදුකරගෙන යාමට සියලු දෙනාගේ සහාය අවශ්ය බවත් නාහිමියෝ මෙහිදී සඳහන් කළහ.
මෙහිදී වැඩම කර සිටි ගරුතර මහා සංඝරත්නය විපක්ෂ නායක සජිත් ප්රේමදාසට සෙත් පිරිත් සජ්ඣායනයක් සිදු කිරීමෙන් පසු පිරිත් නූල් ගැට ගැසීමද සිදු කලහ.
