ශ්රී ලංකාවේ විශාල කාර්ය භාර්යයක් සහිතව ඉදිරිපත් වූ යෝජනාවක් සම්මත කරමින් දෙසැම්බර් 21 වන දින “ලෝක භාවනා දිනය” ලෙස ප්රකාශයට පත් කිරීමට එක්සත් ජාතීන්ගේ මහා මණ්ඩලය කටයුතු කළේය.
ඓතිහාසික වශයෙන් වැදගත් වූ මෙම යොජනාව ශ්රී ලංකාව, ලිච්ටෙන්ස්ටයින්, ඇන්ඩෝරා, මෙක්සිකෝව, නේපාලය සහ ඉන්දියාව යන රටවල් හයක මූලික කණ්ඩායම විසින් එක්සත් ජාතීන්ගේ මහා මණ්ඩලය වෙත ඉදිරිපත් කළේය.
“ලෝක භාවනා දිනය” යන මාතෘකාවෙන් යුත් එම L.27 යෝජනාව එක්සත් ජාතීන්ගේ මහා මණ්ඩලය විසින් 2024 දෙසැම්බර් 6 වන දින සම්මත කර දෙසැම්බර් 21 ලෝක භාවනා දිනය ලෙස ප්රකාශයට පත් කළේය.
යෝජනාව මගින් සෞඛ්යය සහ යහපැවැත්ම සහ එහි විශ්වීයත්වය සඳහා භාවනාවේ දායකත්වය පිළිගෙන තිබේ. සියලුම භූගෝලීය කලාප සහ සංස්කෘතික පසුබිම්වලින් රාජ්ය හැත්තෑ එකක් (71) ඒකසම්මුතියෙන් සම්මත වූ යෝජනාවට සම අනුග්රහය දැක්වීය.
යෝජනාව සම්මත කර ගැනීමට තුඩු දෙන සාකච්ඡා සඳහා පහසුකම් සැලසීම සඳහා ශ්රී ලංකාව ප්රධාන කාර්යභාරයක් ඉටු කළේය.
මෙම ඓතිහාසික අවස්ථාව සැමරීම සඳහා නිව්යෝර්ක් හි ශ්රී ලංකා නිත්ය දූත මණ්ඩලය විසින් ඊයේ (20 ) මෙම යෝජනාව ඉදිරිපත් කළ මූලික රටවල් සමූහයේ පළමු සැමරුම් උත්සවය පවත්වන ලදී.
“භාවනාව – 21 වන සියවසේ එහි විශ්වීයත්වය සහ අදාළත්වය” යන තේමාව යටතේ මෙම වැඩසටහන පවත්වනු ලැබුවේය. මෙම උත්සවය හාවර්ඩ් විශ්ව විද්යාලයේ සහ මැසචුසෙට්ස් තාක්ෂණ ආයතනයේ ආචාර්ය ටෝනි නාඩර්ගේ ප්රධාන දේශනය සමඟින් නූතන ජීවිතය සඳහා භාවනාවේ අදාළත්වය සහ ප්රතිලාභ අවධාරණය කිරීම කෙරෙහි අවධානය යොමු කළේය.
ගෝලීය වශයෙන් පිළිගත් භාවනා විශේෂඥ. ආචාර්ය නාදර් සිය දේශනය අතරතුර භාවනාව ප්රගුණ කිරීමෙන් ලැබෙන ප්රයෝජන සහ ඒ පිළිබඳව කරන ලද විද්යාත්මක අධ්යයනයන් ඉස්මතු කළේය.
“භාවනා කිරීම සුඛෝපභෝගී දෙයක් නොවේ, එය අවශ්යතාවයකි” යනුවෙන් ඔහු සඳහන් කළේ භාවනාවෙන් නූතන ජීවිතයට ඇති ප්රතිලාභ ඉස්මතු කරමිනි.
යෝජනාවේ ප්රධාන අනුග්රාහකයන් නියෝජනය කරමින් එක්සත් ජාතීන්ගේ ශ්රී ලංකා නිත්ය දූත මණ්ඩලයේ නිලධාරි සුගීෂ්වර ගුණරත්න, පිළිගැනීමේ ප්රකාශය ඉදිරිපත් කළේ යෝජනාව සම්මත කර ගැනීමෙන් අවසන් වූ පසුබිම් ක්රියාවලිය සිහිපත් කරමිනි.
ඉන් අනතුරුව මානව හිමිකම් පිළිබඳ මහ කොමසාරිස් වොල්කර් ටූර්ක් ගේ වීඩියෝ පණිවුඩයක් සහ ඇන්ඩෝරා, නේපාල, මැක්සිකෝ සහ ඉන්දියා යන රටවල නියෝජිතයින්ගේ ප්රකාශයන් ද නිකුත් විය.
මෙම උත්සවය මෙහෙයවනු ලැබුවේ නිත්ය නියෝජ්ය නියෝජිත මිරියම් ඔහ්රි විසිනි.
උත්සවයේ YouTube වීඩියෝව මෙතැනින් ප්රවේශ විය හැක:
https://www.youtube.com/live/41tN2FtDzwA?si=0Z68XG1aWBYs3TQR
