දිනසේන රතුගමගේ –
ඉලංකෙයි තමිල් අරුසු කච්චි පක්ෂය ( ITAK ) මෙවර මහ මැතිවරණය වෙනුවෙන් නිකුත් කරණ ලද ප්රතිපත්ති ප්රකාශනයට එම පක්ෂයේම බොහෝ දෙනෙකු විරෝධය පල කොට තිබේ.
මැතිවරණ හා ප්රතිපත්ති ප්රකාශය නිකුත් කිරීම එම පක්ෂයේ වත්මන් නායක එස්.ශ්රීධරන් හිටපු මන්ත්රීවරයාගේ හෝ පක්ෂයේ හිටපු නායක මාවෙයි සේනාධිරාජා හිටපු මන්ත්රීවරයාගේ සහභාගිත්වයෙන් තොරව සිදු කිරීම නිසා මෙම මතභේදය හට ගෙන ඇත.
පක්ෂය අරාජිකව ඇද වැටීමට සලස්වා මේ මොහොතේදී කීප දෙනෙකු නායකත්වය ඔවුන් වෙත ලබා ගැනීමේ අසාර්ථක උත්සාහයක නිරත වෙමින් සිටින බව කියමින් මෙම විරෝධය ගොඩනැගී තිබේ. විරෝධය පෑ පිරිසක් ප්රසිද්ධියේම පවසා ඇත්තේ ඔවුන් මේ පක්ෂය අතහැර හක්ගෙඩිය සලකුණෙන් මැතිවරණ ව්යාපාරයේ නිරත දෙමළ ජාතික සන්ධානයට සහාය දක්වන බවය.මෙවර මහ මැතිවරණය වෙනුවෙන් ඉලංකෙයි තමිල් අරුසු කච්චි පක්ෂය විසින් නිකුත් කරණ ලද මැතිවරණ හා ප්රතිපත්ති ප්රකාශය යාපනයේදී එලි දැක්වීම පිණිස ඊයේ (2) පැවති උත්සවයකදි මේ අර්බූදය හට ගෙන තිබේ.
නායකයින් මේ අවස්ථාවට සහභාගී නොවුයේ ඔවුන් අසනීපයෙන් සිටින නිසායැයි පිරිසක් මෙහිදී කරුණු ඉදිරිපත් කළ අතර තවත් පිරිසක් දුරකතන ඇමතුම් ලබා ගෙන ඔවුන්ට කතා කළ අවස්ථාවේදී වෙනත් අදහස් ඔවුන් ප්රකාශ කිරීම නිසා තත්ත්වය තවත් උග්ර වී ඇත. පැමිණි සිටි පිරිසට ප්රතිපත්ති ප්රකාශනය බෙදා දීමෙන් පමණක් එම උත්සවය අවසන් වී තිබේ.
