බී.බී.සී.
කොවිඩ් -19 රෝගයෙන් සුවය ලැබූ රෝගීන් විශාල සංඛ්‍යාවක් අලුතින් හඳුනාගත්, පූර්ණ දියවැඩියාව වැළඳීමේ අවදානමට ලක්ව ඇති බව ඉන්දීය වෛද්‍ය වෘත්තිකයින් පිරිසක් බීබීසී සේවයට පවසා තිබේ.
මේ තත්වය තුළ මිලියන 32 කට ආසන්න කොවිඩ් ආසාදිතයන් වාර්තා වී ඇති ඉන්දියාවේ කොවිඩ් වසංගතයෙන් පසු දියවැඩියා සුනාමියක් ඇතිවීමේ අවදානමක් ඇති බව මුම්බායි හි වෙසෙන දියවැඩියා රෝග විශේෂඥ වෛද්‍ය රාහුල් බක්සි බීබීසියට ප්‍රකාශ කර ඇත.
කොවිඩ් -19 වැළඳුණු දියවැඩියාව පිළිබඳ ඉතිහාසයක් නොමැති තම රෝගීන්ගෙන් 8-10% ක් සුවය ලබා මාස ගණනාවකට පසුත් සීනි මට්ටම ඉහළ ගොස් ඖෂධ ලබා ගනිමින් සිටි බව ඔහු පැවසීය.
ඔවුන් විසින් කළ මූලික අධ්‍යයනක දී සොයාගෙන ඇත්තේ සුවය ලැබූ කොවිඩ් රෝගීන් 127ක නියැදියකින් 13 දෙනෙකුට එනම් රෝගීන්ගෙන් 10% කට “නව දියවැඩියාව” ඇති බවයි. මේ නියැදියේ සාමාන්‍ය වයස අවුරුදු 36 ක් පමණ වී තිබිණි. සැලකිය යුතු කරුණ නම්, ඔවුන්ගෙන් හත් දෙනෙකුට කොවිඩ් -19 ආසාදිත පසු ප්‍රතිකාර සඳහා දියවැඩියා තත්ව ඇති විය හැකි ස්ටෙරොයිඩ් හෝ අතිරේක ඔක්සිජන් පවා ලබා නොදීමයි.
දිල්ලි සහ චෙන්නායි (මදුරාසි) රෝහල් දෙකක රෝගීන් 555 දෙනෙකුගෙන් සිදු කළ තවත් අධ්‍යයනයකින් හෙළි වූයේ කොවිඩ් -19 වැළඳීමෙන් පසු දියවැඩියාව ඇති බව හඳුනා ගත් අයගේ රුධිරයේ සීනි මට්ටම ඉහළ අගයක පැවති බවයි.
දියවැඩියා රෝග විශේෂඥ වෛද්‍ය අනූප් මිශ්‍රා පවසා තිබුණේ කොවිඩ් -19 සහ දියවැඩියාව අතර ඇති සම්බන්ධය පිළිබඳ මතු වෙමින් පවතින සාක්ෂි “සංකීර්ණ” චිත්‍රයක් ඉදිරිපත් කරන බවයි.
රෝහලේදී කොවිඩ් -19 සඳහා ප්‍රතිකාර කිරීමේදී රෝගීන්ට අලුතින් දියවැඩියාව වැළඳී ඇති බව හඳුනාගෙන ඇත. අලුතින් දියවැඩියා රෝගීන් ලෙස හඳුනා ගැනෙන පිරිසට වයස් භේදයක් නැති බවත්, පවුලේ පවුලේ කිසිවකුටවත් දියවැඩියාව නොමැති බවත් සිදු කළ අධ්‍යයනවලින් තහවුරු වූ බවත් මේ වෛද්‍යවරු දුරටත් පවසා ඇත.
රෝහලෙන් පිටව ගිය පසුත් සමහර රෝගීන්ගේ රුධිරයේ සීනි මට්ටම පහත නොබැස සමාන්‍ය සීමාව ඉක්මවා තිබිණි. “දුර්ලභ” රෝගීන් කණ්ඩායමක් වූයේ කොරෝනා වයිරසය ඔවුන්ගේ අග්න්‍යාශයට හානි කළ නිසා දැඩි ලෙස දියවැඩියාවට ගොදුරු වූ අයයි.
සම බරව ඇත්ත කියන ලංකාසර පුවත් ඔබට සෑම විටෙක දැකීමට ඕනෑ නම් පහත අපේ වට්ස්ඇප් / ටෙලිග්‍රෑම් සමූහයන්ට එක්වෙන්න.
කෙසේ නමුත්, ‘කොවිඩ් 19’ සහ දියවැඩියාව අතර පවතින සම්බන්ධය නිශ්චිතව අවබෝධ කර ගැනීමට දිගටම අධ්‍යයන පවත්වන බවත්, තමන් සොයා ගත් සියලු දත්ත ලෝක සෞඛ්‍ය සංවිධානයටත්, යුරෝපා වෛද්‍ය පර්යේෂකයන්ටත් යොමු කළ බව ද මුම්බායි වෛද්‍යවරු වැඩි දුරටත් කියා සිටිති.