කොළඹ ජාතික රෝහලේ කායික රෝග විශේෂඥ වෛද්‍ය
උපුල් දිසානායක සමග කළ සංවාදයක් ඇසුරිනි.
කොවිඩ් පමණක් නොව අපිට ඕනෑම රෝගයක් සෑදී සුවය ලැබුණු පසුව ශරීරයට විවේකයක් ලබා දිය යුතු වේ.
බරපතල වැඩවල නොයෙදීම
බරපතල වැඩවල නොයෙදීම වැදගත්ය. තමන්ට හැකි අයුරින් නිවසේ සුළු සුළු වැඩපල කිරීමට හැකිය. නිරෝධායන කටයුතු අවසන් වූ පසුව රැකියාව සඳහා යෑම සිදු කළ යුතු බව සැබෑය. නමුත් අදික ලෙස මහන්සිවීම යෝග්‍ය නොවේ.
කොවිඩ් රෝගය සුව වී නිවස වෙත ගිය පසුවද සුළු රෝග තත්ත්වයන් මතුවිය හැකිය. කොවිඩ් රෝගය තිබුණ කාලයෙදී කැස්සක් තිබුණේ නම් මදපමණින් එය තිබිය හැකිය. මෙය මාසයක් පමණ තිබෙන අවස්ථාවන්ද දැකිය හැකිය. මෙය ස්වාසනාලිකාවල පවතින සුළු වෙනස්කම් හේතුවෙන් ඇතිවන තත්ත්වයකි. මේ කැස්ස වැඩි වුවහොත් හෝ හුස්ම ගැනීමේ අපහසුතා ඇති වුවහොත් වහාම වෛද්‍ය ප්‍රතිකාර සඳහා යොමුවීම වැදගත්ය.
නිධන්ගත රෝග ඇතිනම්…
නිදන්ගත රෝගයෙකින් පෙළෙන පුද්ගලයෙකුට කොවිඩ් රෝගය වැළදී සුව වුවද නිදන්ගත රෝගය සඳහා කරනුලබන ප්‍රතිකාරයන් අඩුවකින් තොරව කළ යුතුය. දියවැඩියා රෝගියෙකුට කොවිඩ් සෑදුණු විට ඔහුට ලබාදෙන ප්‍රතිකාරයන් හේතුවෙන් දියවැඩියා රෝගී තත්ත්වය වැඩිවිය හැකිය. කොවිඩ් සුව වූ පසුව දියවැඩියාවට නිසි ප්‍රතිකාර ලබා ගැනීම ඉතාමත් වැදගත්ය.
තවද ඔබට කොවිඩ් රෝගය වැළඳී සුවය ලැබීමෙන් අනතුරුව යම් බෝනොවන රෝගයකට ගොදුරු වූවා යැයි සිතන්න. උදාහරණයක් ලෙස දියවැඩියාව ගැන හිතන්න. මෙය කොවිඩ් රෝගය හේතුවෙන් වැළඳුණු රෝගයක් යැයි කිසිවිටෙකත් නොසිතන්න.
ආහාර පාන
සම බරව ඇත්ත කියන ලංකාසර පුවත් ඔබට සෑම විටෙක දැකීමට ඕනෑ නම් පහත අපේ වට්ස්ඇප් / ටෙලිග්‍රෑම් සමූහයන්ට එක්වෙන්න.
කොවිඩ් සුව වී නිවස බලා යන පුද්ගලයින්ට ඕනෑම ආහාරයක් හැකිය. සෙම වැඩිවන ආහාර හෝ හෝ ශක්ති ජනක ආහාරපාන කියා කිසිවක් නොමැත. තමන් ට කෑමට කැමති හා ප්‍රියමනාප ආහාරපාන ගත හැකිය. මෙහිදී විශේෂයෙන්ම නිදන්ගත රෝගයන්ගෙන් පෙළෙන පුද්ගලයින් තමන්ට පවතින එම රෝගී තත්ත්වය ගැන සැලකිලිමත් වීම ඉතාමත් වැදගත්ය. උදාහරණයක් ලෙස දියවැඩියාව අධිරුධිර පීඩනය වැනි රෝගී තත්වයන් තිබෙන පුද්ගලයින් සැලැකිලිමත් විය යුතුය.
එසේම නෑම හොද හෝ නරකයි කීම ට සාක්ෂි නැත. එම නිසා ඔබට නෑමට හැකිනම් නෑම වැදගත්ය. උණුවතුරද ඇල්වතුරද යන්න ගැටලුවක් නැත. ඔබට පහසුවෙන් ස්නානය කළ හැකි ආකාරයට එය කළ හැකිය.