තවත් ඉන්දුනීසියානු ගුවන් යානයක් අනතුරට පත් වූයේය.
පසුගිය තෙවසරක කාලය පුරාම ලෝක ඛේදවාචක මවමින් සිටින ඉන්දුනීසියානු ගුවන් ගමන් නිර්මාණය කළ අලුතම ව්‍යසනය වූයේ මෙයය. ඊයේ අනතුරට ලක්වන මෙම යානයේ සුන්බුන් සොයන විමර්ශකයන්ට මේ වනවිට මිනිස් සිරුරු කොටස් හමුවෙමින් ඇති බව විදෙස් මාධ්‍ය වාර්තා කළේය.
අනතුරටපත් යානය පිළිබඳ කතාව සැකවින් මෙසේය.
ඉන්දුනීසියාවේ ජාකර්තා අගනුවර සිට දකුණු කලිමන්තන් ප්‍රාන්තයේ පිහිටි පොන්තියානාක් බලා පියාසර කරමින් තිබු සිරිවිජයා ගුවන් සේවයට අයත් බෝයින් 707 වර්ගයේ ගුවන් යානයක් ඊයේ (09) අනතුරට පත් වී තිබිණි.
යානයේ මගී ධාරිතාව 130 ක් වුවද, මගීන් 50 දෙනෙකු එහි ගමන් කර කළේය. එම මගීන් අතර ළමුන් හත් දෙනෙකු සහ ළදරුවන් තිදෙනෙකු ද වූහ. ගුවන් යානා මණ්ඩලයේ 12 දෙනෙකු ද යානයේ සිටියහ. යානයේ ගමන්ගෙන තිබූ මුලු පිරිස 62ක් වූ බව බී.බී.සිය වාර්තා කළේය.
ඉන්දුනීසියාවේ ජකර්තා ගුවන්තොටුපලේ සිට බෝර්නියෝ දූපතේ බටහිර දෙසින් පිහිට පොන්තියානාක් වෙත සාමාන්‍ය ගුවන් කාලය විනාඩි 90කි. යානය ගුවන්ගත වන්නේ ඊයේ පස්වරු 2.36ටය. ගුවන්ගත වී විනාඩි 4ක් යනවිට යානය රේඩාර් පථයෙන් නොපෙනී ගොස් තිබිණි. ඉන්දුනිසියානු ප්‍රවාහන අමාත්‍යාංශයට අනුව ගුවන් ගමන් පාලක මැදිරිය අවසාන වශයෙන් යානය හා සම්බන්ධ වී ඇත්තේ 2.40ට පමණය. ජාතික ආපදා සහ ගලවා ගැනීමේ ඒජන්සියේ ප්‍රධානී එයාර් මාෂල් බගුස් පිරුහිටෝ පවසන පරිදි යානය ආපදා සංඥා නිකුත් කර නැත.
ගුවන් ගමන් ආවේශනය කරන වෙබ් අඩවියක් වූ Flightradar24.com වෙබ් අඩවිය ප්‍රකාශ කර තිබුණේ යානය විනාඩියකට අඩු කාලයක් තුළ මීටර් 3000කට වඩා පහත වැටී ඇති බවයි. යානය ජකර්තා නුවරට කිලෝමීටර 20ක් උතුරු දෙසින් අතුරුදන් වී තිබිණි.
- ඇසින් දුටු සාක්ෂි
අතුරුදන් වූ යානය අනතුරට ලක්වනු ඇසින් දුටු පිරිසක් වූහ. ඔවුන් එක් පිපිරීමක් දැක තිබිණි. සමහර අයෙකුට ඒ පිපිරීම් ශබ්දය ඇසී තිබිණි.
ඉන්දුනීසියානු ධීවර යාත්‍රාවක සේවය කරන ධීවරයෙක් වූ සොහීල් මේ ව්‍යසනය දුටු සාක්ෂිකරුවෙකි. ඔහු බී.බී.සී සේවයට පවසා තිබුණේ අනතුර සිදුවූයේ තමන් සේවය කරමින් සිටි යාත්‍රාවට නුදුරින් බවය. මේ අනතුර සමගම සිය නැවේ කපිතාන්වරයා යළි යාත්‍රාව රැගෙන ගොඩබිමට යෑමට තීරණය කළ බව ඔහු පැවසුවේය.
“ යානය අකුණු සැරයක් වගේ මුහුදට වැටී ජලයේ පුපුරා ගියා. ඔහු වැඩිදුරටත් “ පැවසුව්ය. “ එම අනතුර සිදු වුනේ අප ආසන්නයේමයි. යානයෙන් විසිවුණු ෆ්ලයිවඩු වගේ දෙයක් මගෙ නැවේ වැදුනා. සොහීල් බීබීසියට කීවේ එසේය.
යානය අතුරුදහන් වූ ස්ථානය අසල පදිංචිකරුවෝ ගණනාවක් යානයේ යැයි සිතන සුන්බුන් සොයා ගත් බව කීහ.
- මෙහෙයුම්
ඊයේ සවස් වනවිටම ඉන්දුනීසියානු නාවික හමුදාව ප්‍රධානව යානය පිළිබදව සෝදිසි මෙහෙයුම් ඇරඹූහ.
නාවික හමුදා නිලධාරී අබ්දුල් රසයිඩ් රොයිටර් පුවත් සේවයට පවසා තිබුණේ යානය කඩා වැටුනු ස්ථානය ස්ථානය කේන්ද්‍ර කරගෙන ඒ අවට ආවරණය වන ආකාරයට සෝදිසි මෙහෙයුම් සඳහා නැව් යොදවා ඇති බවය.
දිනයක් ගතවී අවසන්ය. එහෙත් මේ වනතුරුත් මගීන්ගේ ඥාතීහු පොන්තියානාක් ගුවන්තොටුපලේ මෙන්ම ජකර්තා හි සොකර්නෝ-හත්තා ජාත්‍යන්තර ගුවන් තොටුපලේ ද බලා සිටිති.
“මට ගුවන් යානයේ පවුලේ සාමාජිකයන් සිව්දෙනෙක් සිටිනවා – මගේ බිරිඳ සහ දරුවන් තිදෙනා” යමාන් සායි නැමැති පියෙක් මාධ්‍යවේදීන් අමතමින් කඳුළු සලමින් පැවසීය.
- යානයේ තොරතුරු
ලියාපදිංචි තොරුතුරු ප්‍රකාරව යානය වසර 26ක් පැරණිය. එම යානය බෝයිං 737-500 වර්ගයට අයත්ය. එය යහපත් තත්ත්වයේ පැවති බව ශ්‍රීවිජයා එයාර් හි ප්‍රධාන විධායක ජෙෆර්සන් අර්වින් ජුවෙනා වාර්තාකරුවන්ට පැවසීය.
“අධික වර්ෂාව හේතුවෙන් ගුවන් ගත වීම විනාඩි 30 ක් ප්‍රමාද වුනා. “ජුවෙනා මාධ්‍ය අමතා කීවේය.
ශ්‍රීවියජයා එයා 2003 දී ආරම්භ කළ දේශීය ලාභදායී ගුවන් සේවයකි. ඉන්දුනීසියානු සහ අග්නිදිග ආසියානු ගමනාන්ත වෙත පියාරසර කිරීම පරමාර්ථ කර මෙම ගුවන් සේවය පිහිටුවනු ලැබිනි.
මෙම යානය කඩා වැටෙන්නේ වර්ෂ 2018 දී ලෝකයම කම්පාකල ඉන්දුනීසියාවේ ලයන් එයා ගුවන් අනතුරු වූ කලාපයට නුදුරෙනි. ලයන් එයා ගුවන් යානය ජකර්තා ගුවන්තොටුපලින් ගුවන් ගතවී විනාඩි 12ක් තුළ අනතුරට ලක් විය. ඒ අනතුරින් මගීන් 189ක් ජීවිතක්ෂයට පත් වූහ.
විදෙස් මාධ්‍ය දක්වන පරිදි මෙම ව්‍යසනය නිරන්තර කතාබහට ලක් වූ ගුවන් යානයේ සැලසුමේ අසාර්ථකත්වයන් මාලාවක් මත පමණක් රැඳී පවතින්නේ නැත. ගුවන් සේවය සහ ගුවන් නියමුවන්ගේ දෝෂයන් ද මේ අනතුරු පසුපස පවතින ආකාරය මේ වනවිට ජාත්‍යාන්තර නිරීක්ෂකයෝ පෙන්වා දෙති.
සම බරව ඇත්ත කියන ලංකාසර පුවත් ඔබට සෑම විටෙක දැකීමට ඕනෑ නම් පහත අපේ වට්ස්ඇප් / ටෙලිග්‍රෑම් සමූහයන්ට එක්වෙන්න.
