බංගලාදේශ කණ්ඩායම විශිෂ්ඨ ජයග්‍රහණයක් අත්කරගෙනය. ඒ වර්ෂ 2012න් පසු ඉන්දියාව පරදවා ආසියානු කුසලාන තරගාවලියක දී ජයග්‍රහණය වාර්තා කරමිනි.
ලකුණු 266ක ජයග්‍රාහී ඉලක්කයක් හඹා ගිය ඉන්දියානු කණ්ඩායම ලකුණු 259කට දැවී ගියේය.
ඉන්දියාව මේ වනවිටත් අවසන් මහා තරගයට සුදුසුකම් ලබා ඇත්තේය. බංගලාදේශය දැන් තරගාවලියෙන් ඉවත්ව ගොස්ය. පැවැත්වූයේ ආසියානු කුසලානයේ සැලසුම් කළ තරගයකි. එහෙත් මේ තරගය බංගාලාදේශය පැත්තෙන් ඔවුන්ට සිය තරගකාරිත්වය තියුණු කරගනෙ ශ්‍රේණිගතකිරීම්වල ඉහළට පැමිණීමට අවස්ථාවක් නිර්මාණය කර තිබුණේය.
ඉන්දියාව විරාට් කෝලි ඇතුලු ජ්‍යෙෂ්ඨයන් කීපදෙනෙක් විවේක ගන්වා තිබිණි. ඒ ඉරිදාට පැවැත්වෙන අවසන් මහා තරගයට අවශ්‍ය විරාමය ගැන කල්පනා කිරීමෙනි.
කෝලි වෙනුවට තිලක් වර්මා කැඳවා තිබිණි. ජස්පිට් බුම්රා වෙනුවට ෂඩුල් තාකූර් කැඳවා තිබිණි.
ඉන්දියාවේ ආරාධනාව අනුව මුලින්ම පන්දුවට පහර දුන් බංගාලදේශ කණ්ඩායමේ මුල් පෙළ කුඩු වී ගියේය. ආරම්භක පිතිකරු ලින්ටන් දාස් ලකුණු ලබා නොගෙන දැවි ගියේ. ටැන්සිඩ් හසන් ලකුණු 13කට දැවී ගියේය. අනාමුල් හක් ලබා ගත්තේ ලකුණු 04ක් පමණී,
නමුත් නායක ශකීබ් හල් හසන් බිඳ වැටුණු කණ්ඩාය නගා සිටුවන්නට දැවැන්ත මෙහෙයුමක් දියත් කළේය. ඔහුගේ මනරම් පිතිකරණය ප්‍රේක්ෂාගාරය සතුටින් පිරෙව්වේය. ශකීබ් පන්දු 85ක් තුළ ලකුණු 80ක් රැස් කළේය. ඊට හතරේ පහර 06ක් සහ හයේ පහර 03ක් ඇතුළත් විය.
මේදි හසන් මිරාස් ලකුණු 13කට දැවී යද්දී ශකීබ් අල් හසන් සමග එක් වූ නසූම් අහමඩ් හොඳ සම්බන්ධතාවයක් ගොඩනන්වමින් ලකුණු 44ක් ලැබුවේය.
පන්දු ඕවර 50 තුළ දී ලකුණු 265ක් රැස් කරන්නට බංගලාදේශ කණ්ඩායම සමත් විය.
ඉලක්කය හඹා යන්නට පැමිණි ඉන්දියා කණ්ඩායමේ ආරම්භක පිතිකරු නායක රෝහිත් ෂරමා දැවීයන්නේ ලකුණු නොලබමිනි. කෝලි වෙනුවට ක්‍රීඩා කළ තිලක් වර්මා ලකුණු 05කි. කේ.එල්. රාහුල් ලකුණු 19කි. ඉෂාන් ක්‍රිෂාන් ලකුනු 05කි. එක් අන්තයකින් එකා පිට එකා වැටී දැවී යමින් තිබිණි. නමුත් අනෙක් අන්තය රැකගෙන ශුබ්මන් ගිල් හුදකලා සටනක නිරත වෙමින් සිටියේය.
පන්දු 133ක දී ලකුණු 121ක් රැස් කරගත් ඔහු සමග යම් සම්බන්ධතාවක් ගොඩනැගුවේ ලකුනු 26ක් ලබා ගත් සූර්යකුමාර් යාදේව් සහ ලකුණු 42ක් රැස්කළ ඇක්සාර් පටෙල් පමණි.
පන්දු රැකීම පන්දු යැවීම විශිෂ්ඨ රිද්මයකින් කළ බංගලාදේශය හමුවේ ඉන්දීය කණ්ඩායම අසරණ වූයේය. ඔවුහු පන්දු ඕවර 49.5ක් තුළ ලකුණු 259කට සියල්ලෝ දැවී ගියහ.
පන්දු යැවීමේ දී , මුස්ටාෆිසුර් රහ්මාන් ලකුණු 50ට කඩුළු 03ක්, ටන්සිම් හසන් සකීබ් ලකුනු 32ට කඩුළු 02ක්, මහේදි හසන් ලකුණු 50ට කඩුළු 02ක්, මෙහිදි හසන් මිරාස් සහ ශකීබ් අල් හසන් කඩුල්ලක් බැගින් ලැබූහ.
තරගයේ වීරයා බංගලාදේශ් නායක ශකීබ් අල් හසන්ය.
