එංගලන්තය හා සෙනගාලය අතර අල් බේට් ක්‍රීඩාංගණයේදී ශ්‍රී ලංකා වේලාවෙන් අද අලුයම පැවති සුපිරි 16 වටයේන් අර්ධ අවසන් පූර්ව වටයට සුදුසුකම් ලැබීමේ තරගයෙන් ගෝල 30 ලෙස ජය වාර්තා කිරීමට එංගලන්ත කණ්ඩායම සමත් වූයේය.
ඒ අනුව ලබන සෙනසුරාදා අල්බයිට් ක්‍රීඩාංගණයේදී වත්මන් ලෝක ශූර ප්‍රංශය සමග අර්ධ අවසන් පූර්ව වටයේ දී එංගලන්තය තරග වදිනු ඇත. රුසියාවේ පැවැති පසුගිය ලෝක කුසලාන පාපන්දු තරගාවලියේ දී එංගලන්තය අවසන් පූර්ව වටයට පිවිසියේය.
මෙම තරගයේ දී එංගලන්ත නායක හැරී කේන් මේ වසරේ ලෝක කුසලානයේ පළමු ගෝලය වාර්තා කළේය.
කේන් තම රට වෙනුවෙන් 52 වැනි ගෝලය වාර්තා කළේය. ඔහු ප්‍රධාන තරඟාවලි වලදී ගෝල 11ක් සමඟින් තම රටේ ප්‍රමුඛතම ගෝල ලාභියා බවට පත් විය.
ජෝර්ඩන් හෙන්ඩර්සන් සහ බුකායෝ සාකා එංගලන්තය වෙනුවෙන් ඉතිරි ගෝල දෙක වාර්තා කළේය.
