ක්‍රිකට් ලෝකයේ අති මහත් අකාර්ෂණයක් සහිත තරගයවන පකිස්ථානය සහ ඉන්දියාව අතර පැවති ආසියානු කුසලාන තරගාවලියේ විචිත්‍රවත් තරගය ඉතා කණගාටු දායක ලෙස අද (02) අත්හැර දැම්මේය.
අප අනුමාන කළ ලෙසම තරගය වැස්සට හේදුනේය. මග නවත්වමින් කඩින් කඩ ක්‍රියත්මක වූ ඉන්දියානු ඉනිම අවසානයේ ඇද හැලුන මහා වර්ෂාව හේතුවෙන් පකිස්ථානු කණ්ඩායමට එකම පන්දුවකටවත් පහර දීමට අවස්ථාව ලැබුනේ නැත.
පල්ලෙකැලේ ක්‍රීඩාංගණයේදී කාසියේ වාසිය දිනුවේ ඉන්දීය කණ්ඩායමය. ඉන්දියානු නායකයා පන්දුවට පහර දීම තේරුවේය.
එහෙත් ඉන්දීය පිතිකරුවන් තේරුවේ වැරදි තේරීමක් දැයි හිතෙන තරමට පකිස්ථානු වේග පන්දු යවන්නෝ පීඩනය එල්ල කළහ.
ඉන්දීය මුල් පෙල පිතිකරුවන් වූ රෝහිත් ෂර්මා, ශුබ්මන් ගිල්, විරාත් කෝලි සහ ශ්‍රෙයාස් අයියර්ට ක්‍රීඩාගාරය වෙත නැවත හැරීයාමට සිදුවූයේ ලකුණු පුවරුව 66ක් ලෙස සටහන් වෙද්දී ය. රෝහිත් ෂර්මා ලකුණු 11කටත් විරාට් කෝලි ලකුණු 04කටත් ෂහීන් ෂාහ් ඇෆ්රිඩිගේ පන්දු හමුවේ කඩුළු කුඩු කරගත්හ. ෂුබ්මන් ගිල් ලකුණු 10කටත් ශ්‍රෙයාස් අයියර් හැරිස් රවුෆ්ට ගොදුරු වූයේය.
ඉන්දියාව සිටියේ බෙහෙවින්ම අසීරු අඩියකය. එහෙත් බිඳ වැටෙන ඉනිමක් ගොඩනගන මැද පෙළ වගකීම කුමක් ද යන්න පස්වෙනි කඩුල්ල ලෙස පැමිණි ඉෂාන් ක්‍රිෂාන් සහ හය වැනි කඩුල්ල ලෙස ඉෂාන් හා එක් වුණු හර්දික් පාණ්ඩ්‍යා පෙන්නුවේය. 5 වැනි කඩුල්ල බිඳවැටෙන්නේ ලකුණු 205 දී ය. දෙදෙනා අතර සම්බන්ධය ලකුණු139 ශතක පෙනි පෙනී ඉෂාන් ක්‍රිෂාන් ලකුණු 82කට දැවී ගියේය. ඔහු පන්දු 81ක් තුළ හතරේ පහර 09ක් සහ හයේ පහර 02ක් සමග එම විචිත්‍ර ලකුණු සංඛ්‍යාව එක් කළේය
හර්දික් පාණ්ඩ්‍යා පන්දු 90ක දි ලකුණු 87ක් රැස් කළේය. ඒ හතරේ පහර 07ක් සහ එක් හයේ පහරක් සමගිනි. එම සම්බන්ධතාවය බිඳ දැමීමත් සමග ඉන්දියානුවන්ගේ ඉතිරි කඩුළු 05 ලකුණු 62ක් තුළ දඩයම් කිරීමට පකිස්ථානු පන්දු යවන්නේ සමත් වූහ.
පන්දු ඕවර 48.5ක දි ලකුණු 266කට ඉන්දියානු කණ්ඩායම දැවී ගියේය.
විචිත්‍රවත් පන්දු යැවීම ශෂීන් ෂා ඇෆ්රිඩිගේය. ඔහු පන්දු ඕවර 10 තුළ නිලකුණු පන්දු ඕවර 02ක් සමගින් ලකුණු 35ට කඩුළු 04කි. නසීම් ෂා පන්දු ඕවර 8.5ක් තුළ ලකුණු 36ට කඩුළු 3කි. හැරිස් රවුෆ් පන්දු ඕවර 09ක් තුළ ලකුණු 58කට කඩුළු 03කි.
සම බරව ඇත්ත කියන ලංකාසර පුවත් ඔබට සෑම විටෙක දැකීමට ඕනෑ නම් පහත අපේ වට්ස්ඇප් / ටෙලිග්‍රෑම් සමූහයන්ට එක්වෙන්න.
එහෙත් ලකුණු 267ක ජයග්‍රාහී ඉලක්කය හඹා යන්නට පකිස්ථානු කණ්ඩායමට එළියටවත් බහින්නට ඉඩ ලැබුණේ නැත. ධාරාණිපාත වර්ෂාවය. තරගය අත්හැර දැමිණි. විසඳුමකින් තොරව තරගය නිමා වූයේ.
