-
උණ රෝගයක් කම්හල තුළ පැතිරී යද්දි සුදුසු පියවර අරගෙන නෑ
-
සමහර සේවිකාවන් රෝගය උත්සන්න වී ක්ලාන්තය දා වැටිලා
-
වෛරස් රෝගයක් කියලා පිටින් බෙහෙත් ගන්න පිරිසක් යොමු කරලා.
යකහටුව බ්රැන්ඩික්ස් කර්මාන්ත ශාලාවේ කොවිඩ් ආසාදිත බවට මුල් වරට තහවුරු වූ කාන්තාවට එම වෛරසය ආසාදනය වී ඇත්තේ කර්මාන්ත ශාලා පරිශ්රය තුළින්ම වියහැකි දැයි සැකයක් මතු වෙමින් තිබේ.
එම කර්මාන්ත ශාලාවේ ඇය සමග කටයුතු කළ සේවිකාවන් පවසන පරිදි මේ කාන්තාව කාලයක් තිස්සේ යම් හති ගතියකින් පෙළී ඇත. ඇයට වෙනත් කිසිම විශේෂ රෝගී තත්වයක් නොතිබුණු බවත්, හතිය යම් ප්රමාණයකට වැඩි වීම නිසා ඇය පසුගිය 30 වැනිදා බදාදා උදේ ගම්පහ රෝහලට ඇතුළත් කළ බවටත් වාර්තා වේ.
එම වාට්ටුවේ සෑම දිනකම රෝගීන් 10 දෙනෙකුට පී.සී.ආර්.පරීක්ෂණයට ලක් කරන අතර ඇය එම පරීක්ෂණයට ලක් වීමෙන් පසු විශේෂ රෝගී තත්වයක් නොපෙන්වන බැවින් ඇයව රෝහලින් නිවසට එවා තිබේ. අනතුරුව මෙම කාන්තාව 01 වැනිදා සේවයට වාර්තා කර ඇත.
මේ අතර සිකුරාදා වන විට කම්හලේ සේවිකාවන් සැලකිය යුතු ප්රමාණයක් උණ රෝගයෙන් පෙළන්නට පටන් ගෙන තිබේ. එවැනි රෝග ලක්ෂණ පෙන්නුව නමුත් ප්රතිකාර අවස්ථාවක් ලබා දෙනවා වෙනුවට දැඩි ලෙස රෝගාතුර වූ සේවිකාවන් කම්හල ඇතුළේ යොදවා ඇති වෛද්යවරයා වෙත යොමු කර තිබේ. ඔහු කියා ඇත්තේ මේ වෛරස් රෝගයක් බවය.
මේ අතර සෙනසුරාදා වනවිට උණ ගතිය උත්සන්න වී ඒක සේවිකාවක් ක්ලාන්තව වැටී ඇත. උණ ගැනුණු පිරිසට වේදනා නාශක ලබා දී පැය දෙක විවේක ගන්වා යළිත් සේවයේ යොදවා තිබේ.
“ සිකුරාදායි සෙනසුරාදා තමයි උණ ගැනෙන් ගත්තෙ. සිකුරාදා උණ ගැනිලා අමාරුවෙන්ම හිටිය 25ක් විතර දොස්තර ලඟට යැව්වා. අමාරුම තවත් 25ක් විතර පිටින් බෙහෙත් ගන්න යැව්වා. සමහරු වැඩපලේ දොස්තර ලඟට ගියෙ නෑ. බේත් බීලා හවස් වෙනකම් වැඩ කරන්න බෑ කියලා හිටියා. ඒ අය ඉරිදා ගිහින් බේහෙත් අරන් තිබුණා. “යකහටුව කර්මාන්ත ශාලාවේ සේවිකාවන් පිරිසක් සිදුවූ දේ සම්බන්ධව ලංකාසරට පැවසීය.
ඔවුන් කියන්නේ පසුගිය 03 වැනිදා රාත්රියේ දිවුලපිටියේ කාන්තාවට කොවිඩ් ආසාදිත බව තහවුරු වූ පසු කර්මාන්ත ශාලාවේ පාලන අධිකාරිය දැඩි සේ කලබල වූ බවය.
ඔවුන් නිසි ක්රමවේද කළමනාකරණය කළා නම් මේ උවදුර මේ තරම් නොපැතිරෙන බව ද ඔවුහු පැවසූහ.
කර්මාන්ත ශාලාවේ නේවාසිකාගාරවල ඈත පළාත්වලින් පැමිණ සිටින පිරිසක් නේවාසිකව සිටින බවත් ඔවුන් කම්හලෙන් කෙළින්ම නේවාසිකාගාර වෙත ප්රවාහනය කරන හෙයින් ලොකු ගැටලුවක් නොමැති නමුත් අනෙක් බහුතරය සමාජයට නිරාවරණය වූ පිරස් බවත් ඔවුහු පෙන්වා දෙති.
කර්මාන්ත ශාලාවේ සේවක සේවිකාවන් 1400කට ආසන්න ප්රමාණයකුත්, කාර්ය මණ්ඩලය 250ක් පමණ සංඛ්යාවකුත්, ආපනශාලා වැනි සේවා සපයන පිරිසකුත් සිටින බව දැනගන්නට ඇත.
Wahama Nattandiya dankotuwa wannappuwa atulu padasath aderi nithiya danna mokada diulapitiya dali cash kattiya aka degata avidda ma patha akkanakuta hare coved tibilanam ma palatha ewarae wahams sathiyakata niwaswala thiyanna