දිනසේන රතුගමගේ
යාපනය මහ නගර සභාවේ නගරාධිපති ධූරය දෙමළ ජාතික සන්ධානයෙන් ගිළිහී ගොස් 30 දා ඡන්ද විමසීමට අනුව ඊ.පී.ඩී.පී.සංවිධානය වෙත ලැබී තිබේ.
2021 වර්ෂය සදහා වූ යාපනය මහ නගර සභාවේ අයවැය යෝජනාවලිය වාර දෙකකදීම පරාජයට පත්වීම නිසා නගරාධිපතිධුරය සදහා ඡන්ද විමසීමක් පැවති අතර එහිදී දෙමළ ජාතික සන්ධානය නියෝජනය කරමින් මෙතෙක් නගරාධිපතිධුරය දරණ ලද ආනෝල්ඩ් එමානුවල් ඡන්ද 20 ක් ලබා ගත් අතර ඊ.පී.ඩී.පී.සංවිධානයෙන් යෝජනා වූ විශ්වලිංගම් මනිවන්නන් ඡන්ද 21 ක් ලබාගෙන වැඩි ඡන්ද එකකින් යාපනය මහ නගර සභාවේ නව නගරාධිපතිධුරයට තේරී පත්විය.
මේ අතර 2021 වර්ෂය සදහා වූ අයවැය යෝජනාවලිය අවස්ථා දෙකකදීම පරාජයට පත් වූ යාපනය නල්ලූර් ප්‍රාදේශීය සභාවට නව සභාපතිවරයෙකු තෝරා ගැනීම සදහා ඡන්ද විමසීම 30 දා සවස පැවැත්වීමට නියමිතව තිබුණි.
