කොළඹ විහාර මහා දේවී උද්යානයේ තරුණ පරිසරවේදීන් සහ කලාකරුවන් විසින් සිතුවමට නගා ප්රදර්ශනය කරමින් තිබු පරිසර සංහාරය වැළැක්වීම පිළිබඳව දැවැන්ත පෝස්ටරය ඉවත් කිරීමට පැමිණි පොලිස් පරිසර ඒකකයේ අධ්යක්ෂ ජ්යෙෂ්ඨ පොලිස් අධිකාරී රොෂාන් රාජපක්ෂ ඉතා පක්ෂග්රාහී ලෙස එම අවස්ථාවේදී ක්රියා කළ බවට සහ ප්රකාශ ලබා දුන් බවට පරිසරවේදිහු චෝදනා කරති.
පොලිසියේ සහ කොළඹ මහ නගර සභාවේ අනුමැතිය නොමැති බව පවසමින් එය ඉවත් කිරීම පිළිබඳව මාධ්යයට ප්රකාශයක් ලබා දුන් ජ්යෙෂ්ඨ පොලිස් අධිකාරී රොෂාන් රාජපක්ෂ දේශපාලනික වශයෙන් තමන් වර්තමාන රජයට පත්ෂපාත බවට ඇඟවෙන ප්රකාශයක් සිදු කළේය.
එහිදී ඔහු සඳහන් කළේ “ඉස්සර මේ කොළඹ නගරයේ හැම තැනම කුණු තිබුණා. වර්තමාන රජය ආවට පස්සේ මේ එක තැනකවත් කුණු නෑ. දූවිල්ලක් නෑ. ඔක්කොම සුද්ද කරනවා. මල් වවල ලස්සනට තියෙනවා. පරිසරය විනාශ කරන්න දෙන්න බෑ. පරිසරය ගැන මෙහෙම හරි කතිකාවතක් ඇවිත් තිබෙන්නේ අපේ රජය ආවට පස්සේනේ.“
“දැන් බලන්න මොරගහකන්ද හැදුවා… කලින් ජලාශ හැදුණා. එතකොටත් ගස් කැපුණානේ. ඒත් දැන් බලන්න පෞද්ගලික ඉඩමක ගෙයක් හදන්නවත් මිනිස්සු ගහක් කපන්න දෙන්නෙ නෑ. ඒ තරම්ම දැන් මිනිස්සු පරිසරයට ආදරය කරනවා“ යැයි සඳහන් කළේය.
ඔහු පසුගිය රජය විවේචනය කළ ආකාරය තුළ මෙන්ම වර්තමාන රජය අගය කළ ආකාරය සේම “අපේ රජය “ ලෙස මාධ්යය ඉදිරියේ ප්රසිද්ධියේ වර්තමාන රජය හඳුන්වා දීම තුළ ඔහු කෙරෙන් දැඩි ඒක පාරශ්වික භාවයක් පෙන්නුම් කළ බවත් පොලිස් නිල ඇඳුම ලාගත් වගකිව යුතු ජ්යෙෂ්ඨ පොලිස් අධිකාරිවරයකු සේම පොලිසියේ විශේෂිත ඒකකයක ප්රධානියකු මේ ලෙසින් කටයුතු කිරීම සදාචාර සම්පන්න නොවන බවට පරිසර වේදිහු චෝදනා කළහ.