නතාෂා නෙත්මිණි –
රැපිඩ් ඇන්ටිජන්ට් පරික්ෂණ සහ පීසිආර් පරික්ෂණ වාර්තාවන් වෙන වෙනම ලබාදෙන්නැයි රජයේ වෛද්ය නිලධාරීන්ගේ සංගමය සෞඛ්ය සේවා අධ්යක්ෂ ජනරාල්වරයාට දැනුම් දී සිටියි.
විශාල වෛරස් ප්රමාණයක් ශරීරය තුල පවතින පුද්ගලයින් රැපිඩ් ඇන්ටිජන් පරික්ෂාවක් මගින් හඳුනාගත හැකි අතර ඔවුන්ට තවත් සැලකිය යුතු සංඛ්යාවකට වෛරසය ආසාදනය කිරීමේ හැකියාව පවතින බැවින් එම පුද්ගල කණ්ඩායම් වෙන් වශයෙන් හඳුනාගෙන අවශ්ය කටයුතු කිරීම මගින් රෝගය තවදුරටත් පැතිර යාම පාලනය කර ගත හැකි බව සංගමයේ සංස්කාරක වෛද්ය හරිත අලුත්ගේ සඳහන් කළේය.
මේ වන විට කොළඹ නගරයෙන් පිට ප්රදේශයන් හී රෝගීන් පොකුරු වශයෙන් වාර්තා වීම ආරම්භ වී ඇති බැවින් එය ඉතා භයානක තත්ත්වයක් යැයිද වෛද්ය අලුත්ගේ පෙන්වාදේ.